Accessibility links

پێشه‌وا هه‌ورامی: سه‌رۆكی په‌رله‌مان هه‌زار بڕیاری تریش ده‌ربكات بۆ گه‌ڕانه‌وه‌ی پارێزبه‌ندی هه‌مان قیمه‌تی هه‌یه‌


پێشه‌وا هه‌ورامی وته‌بێژی فه‌رمی فراكسیۆنی پارتی دیموكراتی كوردستان -
پێشه‌وا هه‌ورامی وته‌بێژی فه‌رمی فراكسیۆنی پارتی دیموكراتی كوردستان -

پێشه‌وا هه‌ورامی وته‌بێژی فه‌رمی فراكسیۆنی پارتی دیموكراتی كوردستان وه‌ڵامی وته‌كانی سۆران عومه‌ر ده‌داته‌وه‌ و ده‌ڵێت" ته‌حه‌دای ده‌كه‌م بیسه‌لمێنێت ئه‌و بڕیاره‌ یاساییه‌ ئه‌گه‌ر خۆی هه‌ڵنه‌خه‌ڵه‌تێنێت، وه‌ سه‌رۆكی په‌رله‌مان هه‌زار هه‌زار بڕیاری تریش ده‌ربكات بۆ گه‌ڕانه‌وه‌ی پارێزبه‌ندی هه‌مان قیمه‌تی ئه‌وه‌ی هه‌یه‌ كه‌ پێرێ بڵاوكرایه‌وه‌ ، ده‌شڵێت" خۆشیان له‌ هه‌ندێك شوێن وتویانه‌ ئه‌مه‌ شه‌رمه‌زارییه‌ بۆمان له‌ڕووی یاسایییه‌وه‌ كه‌ ده‌یكه‌ین هه‌روه‌ها سه‌رۆكی په‌رله‌مان وتبووی ده‌ركردنی ئه‌م بڕیاره‌ بۆ من ئیحراجی یه‌ و شتێكی قورسه‌ با نه‌یكه‌م به‌ڵام دیاره‌ هیچ ڕێگه‌یه‌كیان بۆ نه‌هێشتۆته‌وه‌، پێشه‌وا ده‌شڵێت" وه‌كو به‌زه‌یی ئینسان له‌ هه‌ڵوێسته‌كه‌ی سه‌رۆكی په‌رله‌مان بۆ ده‌ركردنی بڕیاری هه‌ڵوه‌شاندنه‌وه‌ی هه‌ڵگرتنی پارێزبه‌ندی له‌سه‌ر (سۆران عومه‌ر) تێده‌گات به‌ڵام ئیتر ئه‌مه‌ دۆخی سیاسیه‌و ناكرێت له‌به‌رئه‌وه‌ی هه‌ر جارێك ئه‌و ئیحراج كرا شتێكی نایاسایی تێپه‌ڕێت ئه‌مه‌ دامه‌زراوه‌ییه‌ و په‌رله‌مانه‌ و نوێنه‌رایه‌تی هه‌موو خه‌ڵكی كوردستان ده‌كات ناكرێت هه‌ركاتێك تاقه‌تی هه‌بوو نایاساییه‌ك به‌سه‌ریدا تێپه‌ڕێنیت و بڵێت "وه‌ڵا" له‌ژێر فشاردا بووه‌."

"بڕیاره‌كه‌ له‌ڕۆژنامه‌ی وه‌قائیع بڵاوناكرێته‌وه‌ "

له‌سه‌ره‌تای وتووێژه‌كه‌دا سه‌باره‌ت به‌ بڕیاری سه‌رۆكی په‌رله‌مان بۆ هه‌ڵوه‌شاندنه‌وه‌ی بڕیاری هه‌ڵگرتنی پارێزبه‌ندی له‌سه‌ر په‌رله‌مانتار (سۆران عومه‌ر) كه‌ دوێنێ له‌ به‌شی كوردی ده‌نگی ئه‌مریكا ڕایگه‌یاندبوو، ئه‌گه‌ری هه‌یه‌ پارتی بڵێت ئیتر په‌رله‌مانمان ناوێت، به‌ڵام پێشه‌وا هه‌ورامی ده‌ڵێت" بۆچوونی فه‌رمی پارتی به‌جێ ده‌هێڵم بۆ پارتی له‌ڕێگه‌ی وته‌بێژه‌كه‌یه‌وه‌، وه‌كو وته‌بێژی فراكسیۆن قسه‌ ده‌كه‌م په‌رله‌مان، په‌رله‌مانی هه‌موو خه‌ڵكی كوردستانه‌، نه‌ هی پارتی و نه‌ هی یه‌كێتی و نه‌ هی هیچ لایه‌نێكی دیكه‌یه‌، ڕێز گرتن له‌ بڕیاره‌ یاساییه‌كانی ئه‌م په‌رله‌مانه‌ ڕێزگرتنه‌ له‌ ده‌نگی خه‌ڵكی كوردستان هیچ كه‌سێك ناتوانێت بڕیارێكی نایاسایی وه‌ بڕیارێك كه‌ بێ ڕێزی بێت به‌رامبه‌ر ده‌نگی زۆرینه‌ی ڕه‌ها له‌ په‌رمانی كوردستاندا بیباته‌ سه‌رو جێبه‌جێیبكات، ئه‌م "شته‌ی" كه‌ هه‌یه‌ گه‌ڕانه‌وه‌ی پارێزبه‌ندی هه‌ر "مه‌وزوع" نییه‌ له‌لامان چونكه‌ ئه‌و بڕیاره‌ی كه‌ ده‌رچووه‌ له‌لایه‌ن سه‌رۆكی په‌رله‌مان، سیفه‌تی بڕیاریشی نییه‌، واته‌ سیفه‌تی هیچ شتێكی نییه‌ نه‌ له‌ ڕۆژنامه‌ی وه‌قائیع بڵاو ده‌بێته‌وه‌ به‌ڵكو ته‌نها "ئیحراجییه‌كه‌ و له‌كۆڵ خۆی كردۆته‌وه‌، بۆ دروستكردنی فه‌وزایه‌كی سیاسی یه‌و هیچی دیكه‌ نییه‌، خۆشیان ده‌زانن و خۆشیان وتویانه‌ كه‌ ئه‌مه‌ "قوه‌تی قانونی" نییه‌، له‌ هه‌ندێك شوێن وتویانه‌ ئه‌مه‌ شه‌رمه‌زارییه‌ بۆمان له‌ڕووی یاسایییه‌وه‌ كه‌ ده‌یكه‌ین، به‌ڵام دیاره‌ له‌ژێر فشار و هه‌ڕه‌شه‌دا شته‌كه‌ كراوه‌، واته‌ له‌ژێر فشارێكدا ئه‌م بابه‌ته‌ ئه‌نجام دراوه‌، لای ئێمه‌ ئه‌مه‌ مه‌وزوع نییه‌ ، چونكه‌ بڕیاره‌كه‌ی سه‌رۆكی په‌رله‌مان به‌ حساب كه‌ پێی ده‌ڵێت بڕیاره‌، نه‌ بڕیاره‌ و نه‌ یاسایه‌ و نه‌ هیچ پاڵپشتیه‌كی یاسایی هه‌یه‌."

"سه‌رۆكی په‌رله‌مان وتبووی ده‌ركردنی ئه‌م بڕیاره‌ بۆ من ئیحراجی یه‌ و شتێكی قورسه‌ با نه‌یكه‌م به‌ڵام دیاره‌ هیچ ڕێگه‌یه‌كیان بۆ نه‌هێشتۆته‌وه‌ "

سه‌باره‌ت به‌وه‌ی بۆچی بڕیاره‌كه‌ی سه‌رۆكی په‌رله‌مان له‌ ڕۆژنامه‌ی "وه‌قائیع" بڵاونابێته‌وه‌ وه‌ك خۆت ده‌ڵێی؟ پێشه‌وا هه‌ورامی له‌وه‌ڵامدا ده‌ڵێت" له‌به‌ر ئه‌وه‌ی سه‌رۆكی په‌رله‌مان خۆیشی ده‌زانێت كه‌ نایاساییه‌ له‌كاتێكدا كه‌ زۆرینه‌ی ڕه‌ها ده‌نگ ده‌ده‌ن له‌سه‌ر بابه‌تێك به‌پێی په‌یڕه‌وی ناوخۆی په‌رله‌مانی كوردستان ئه‌م ده‌سه‌ڵاته‌ نه‌دراوه‌ته‌ سه‌رۆكی په‌رله‌مان ده‌نگی سه‌رۆكی په‌رله‌مان زیاتر نییه‌ له‌ ده‌نگی 57 ، 58 په‌رله‌مانتار دواتر سه‌رۆكی په‌رله‌مان له‌كاتی دانیشتی په‌رله‌مان نه‌هات هیچ قسه‌یه‌ك بكات هیچ ڕوونكردنه‌وه‌یه‌ك بدات، ئه‌و كات هیچ هه‌ڵوێستێكی وه‌رنه‌گرت به‌ڵام ئێستا به‌هۆی فشارێكی سیاسی حیزبه‌كه‌ی خۆیه‌وه‌ كه‌ لێیكراوه‌ خۆیشی وتویه‌تی كه‌ ئه‌مه‌ بۆ من ئیحراجییه‌ و شتێكی قورسه‌ با نه‌یكه‌م به‌ڵام دیاره‌ هیچ ڕێگه‌یه‌كی دیكه‌یان بۆ نه‌هێشتۆته‌وه‌ كه‌ ده‌بێت به‌ته‌نها ئه‌وه‌ بكات."

""ته‌حه‌دای" ده‌كه‌م بتوانێت بیسه‌لمێنێت كه‌ یاساییه‌ "

دوێنێ سۆران عومه‌ر په‌رله‌مانتاری فراكسیۆنی كۆمه‌ڵ له‌ وتووێژێكی به‌شی كوردی ده‌نگی ئه‌مریكا ئه‌وه‌ی ڕاگه‌یاندبوو" به‌هۆی هه‌ڵوه‌شاندنه‌وه‌ی بڕیاری هه‌ڵگرتنی پارێزبه‌ندییه‌كه‌ی له‌لایه‌ن سه‌رۆكی په‌رله‌مانه‌وه‌ ئێستا خاوه‌نی پارێزبه‌ندییه‌."

به‌ڵام پێشه‌وا هه‌ورامی ده‌ڵێت" من ته‌نها یه‌ك شتی پێده‌ڵێم و به‌خۆیشیم وتووه‌ ئایا ئه‌مه‌ی كه‌ ده‌یكات هیچ پاڵپشتێكی یاسایی هه‌یه‌ "ته‌حه‌دای" ده‌كه‌م بتوانێت بیسه‌لمێنێت كه‌ یاساییه‌، وه‌ خۆیشی ئه‌گه‌ر خۆی نه‌خه‌ڵه‌تێنێت بێته‌ پێشه‌وه‌ و به‌یاسا بیسه‌لمێنێت من ناڵێم بڕیار ئه‌و نوسینه‌ی كه‌ سه‌رۆكی په‌رله‌مان بڵاویكردۆته‌وه‌ قوه‌تتێكی یاسایی به‌وه‌ ده‌دات پیرۆزی بێت."

هه‌روه‌ها ئه‌وه‌شی وت" دوێنێ به‌ڕێز جێگری سه‌رۆكی په‌رله‌مان و سكرتێری په‌رله‌مان وه‌ڵامێكیان داوه‌ته‌وه‌ ئه‌وه‌ هه‌موو وه‌ڵامێكه‌ بۆ ئه‌وان فاوڵه‌ یاساییه‌كه‌یان بۆ شیكراوه‌ته‌وه‌ و وردكراوه‌ته‌وه‌، ئیتر خۆشیان ده‌زانن كه‌ بابه‌تێك 57 په‌رله‌مانتار ده‌نگیان پێی دابێت و پرۆسه‌یه‌كی یاسایی بێت، ته‌نها له‌ یه‌ك حاڵه‌تدا ئه‌م بابه‌ته‌ هه‌ڵده‌وشێته‌وه‌ ، ئه‌گه‌ر دانیشتنێكی دیكه‌ی په‌رله‌مان بكرێت وه‌ له‌م دانیشتنه‌ی دیكه‌ی په‌رله‌ماندا "كاك سۆران به‌زۆرینه‌ی ڕه‌ها پارێزبه‌ندی وه‌ربگرێته‌وه‌ ، له‌م حاڵه‌ته‌دا ده‌توانیین بڵێن خاوه‌نی پارێزبه‌ندییه‌."

ده‌رباره‌ی بۆچوونی حیزبه‌كه‌ی هه‌ورامی وتی" ئێمه‌ ده‌زانیین حیزب بۆچوونی چییه‌، دیاره‌ كاك هێمن كه‌ جێگری سه‌رۆكی په‌رله‌مانه‌ نوێنه‌ری پارتیشه‌ له‌و شوێنه‌."

" یه‌كێتی بۆ له‌م بابه‌ته‌دا خۆی كردۆته‌ خاوه‌ن؟ "

وته‌بێژه‌كه‌ی فراكسیۆنی پارتی ده‌شڵێت" من یه‌ك شتم پێ سه‌یره‌ یه‌كێتی بۆ له‌م بابه‌ته‌ خۆی كردۆته‌ خاوه‌ن؟ گومان دروست ده‌كات له‌لای خه‌ڵك گومان له‌سه‌ر ناسنامه‌ی ئه‌م په‌رله‌مانتاره‌ دروست ده‌كات لای خه‌ڵك كه‌ یه‌كێتی نیشتیمانی بۆ ئه‌وه‌نده‌ په‌رۆشه‌ بۆ حاڵی ئه‌و په‌رله‌مانتاره‌؟ دادگا هیچ كه‌س له‌ سێداره‌ نادات دادگا په‌تی هه‌ڵنه‌واسیووه‌ بۆ كاك سۆران ئه‌گه‌ر كێشه‌یه‌كی یاسایی نیه‌ با بچێته‌ به‌رده‌م دادگا و بێتاوانی خۆی بسه‌لمێنێت، به‌ڵام من پێم سه‌یره‌ یه‌كێتی نیشتیمانی بۆ ئه‌وه‌نده‌ خۆیان تێك داوه‌؟ خۆ ئه‌گه‌ر ئێستا له‌سه‌ر هه‌ندێك كه‌یسی كۆن بویسترێت یه‌خه‌ی كاك سۆران بگریت ده‌بێت سوود له‌ میدیای یه‌كێتی وه‌ربگرێت كه‌ له‌ڕابردوودا له‌سه‌ری كراوه‌، وه‌ ئه‌گه‌ر بته‌وێت تاوانباری بكه‌یت ده‌بێت بگه‌ڕێته‌وه‌ بۆ میدیای یه‌كێتی به‌ڵگه‌ت ده‌ست بكه‌وێت كه‌ له‌ چیدا تاوانباره‌ ئێستا پێم سه‌یره‌ كه‌ ئه‌وه‌نده‌ بوونه‌ته‌ خه‌مخۆر و پاڵپشتی ئه‌م پیاوه‌."

هه‌روه‌ها وتی" فراكسیۆنه‌كه‌ی خۆی هه‌رگیز به‌ئه‌ندازه‌ی یه‌كێتی نیشتیمانی به‌رگریان له‌م " پیاوه‌ نه‌كردووه‌، جێگه‌ی گومانه‌ بۆ هه‌موو خه‌ڵكی كوردستان بۆ ئێمه‌ له‌به‌رئه‌وه‌ی كه‌ زوڵمی لێنه‌كراوه‌ و غه‌دری لێنه‌كراوه‌، پرۆسه‌یه‌كی یاسایییه‌و په‌یڕه‌وی ناوخۆی په‌رله‌مانی كوردستان ڕێگه‌ی پێداوه‌ و هیچ شتێك به‌زۆر به‌سه‌ریدا نه‌سه‌پێنراوه‌، به‌پێی په‌یڕه‌وی ناوخۆی په‌رله‌مان ئاسایییه‌ مادام پارێزبه‌ندی هه‌یه‌، ئاسایی یه‌ كه‌ پارێزبه‌ندیش له‌سه‌ر په‌رله‌مانتار لاببرێت له‌ خوله‌كانی پێشووی په‌رله‌ماندا ئه‌مه‌ ئه‌نجامدراوه‌ و شتێكی تازه‌ نییه‌ بۆچی ئێستا بۆته‌ "كوفر" ئه‌مه‌ پرسیارێكی سه‌یره‌ له‌لامان كه‌ ده‌بێت ئه‌و به‌ڕێزانه‌ خۆیان وه‌ڵامی بده‌نه‌وه‌."

"ئێستا پۆلیس ده‌توانێت سۆران عومه‌ر ده‌ستگیربكات كاتێك بڕیاری دادوه‌ر و دادگا هه‌بو "

سۆران عومه‌ر له‌وتووێژه‌كه‌دا ئه‌وه‌شی وتبوو" به‌هۆی ئه‌وه‌ی ئێستا پارێزبه‌ندی بۆ گه‌ڕاوه‌ته‌وه‌ بۆیه‌ پۆلیس ناتوانێت وه‌ك هاوڵاتیه‌كی ئاسایی ده‌ستگیری بكات."

به‌ڵام پێشه‌وا هه‌ورامی ده‌ڵێت" به‌ڵێ ئێستا پۆلیس ده‌توانێت ده‌ستگیری بكات كاتێك بڕیاری دادوه‌ر و دادگا هه‌بوو له‌به‌رئه‌وه‌ی كه‌ پۆلیس و دادگا سه‌یری یاسا ده‌كه‌ن ئه‌وانیش ده‌گه‌ڕێنه‌وه‌ بۆ یاسا، یاسا ده‌ڵێت ئه‌م "پیاوه‌ی" كه‌ پارێزبه‌ندی له‌سه‌ر لابراوه‌ به‌پێی په‌یڕه‌وی ناوخۆی په‌رله‌مان له‌سه‌ری لابراوه‌، وه‌ له‌په‌یڕه‌ویشدا ئه‌و ده‌سه‌ڵاته‌ نه‌دراوه‌ كه‌ ته‌نها ده‌نگێكی سه‌رۆكی په‌رله‌مان به‌رامبه‌ر به‌ 57 ده‌نگ بوه‌ستێته‌وه‌، وه‌ ده‌نگی سه‌رۆكی په‌رله‌مان گه‌وره‌تر نیه‌ له‌ ده‌نگی ئه‌م په‌رله‌مانتارانه‌، زۆرینه‌ی ڕه‌ها په‌یڕه‌و ده‌كرێت، زۆرینه‌ی ڕه‌ها ده‌نگی به‌ لابردنی ئه‌م پارێزبه‌ندییه‌ داوه‌، هه‌ر ئه‌م زۆرینه‌یه‌ش ده‌توانێت پارێزبه‌ندی پێبداته‌وه‌، بۆیه‌ هیچ ڕێگه‌یه‌كی دیكه‌ نیه‌ جگه‌ له‌وه‌ی كه‌ زۆرینه‌ی ڕه‌ها پارێزبه‌ندی ببه‌خشێته‌وه‌ به‌ كاك سۆران."

وته‌بێژی فراكسیۆنی پارتی دیموكراتی كوردستان له‌په‌رله‌مانی هه‌رێم ئاماژه‌ی به‌وه‌شكرد" سه‌رۆكی په‌رله‌مان له‌و ڕۆژه‌ی كه‌ بڕیار بوو پارێزبه‌ندی لابچێت له‌سه‌ر "كاك سۆران" وتی من دێمه‌ ناو دانیشتنه‌كه‌وه‌ هه‌تا قسه‌شی كردبوو له‌سه‌ر بڕگه‌كانی ناو دانیشتنه‌كه‌ كه‌ با ئه‌مه‌ یه‌كه‌م بێت و ئه‌وه‌ دووه‌م بێت به‌ڵام كه‌ نه‌هات ئاساییه‌ جێگره‌كه‌ی دانیشتنه‌كه‌ به‌ڕێوه‌ ببات ، له‌به‌رئه‌وه‌ی خۆی نه‌هاتووه‌ و هیچ فشارێكی له‌سه‌ر نه‌بووه‌، بۆیه‌ هیچ كێشه‌یه‌كی یاسایی نییه‌."

" سه‌رۆكی په‌رله‌مان ناتوانێت به‌ جێگر بڵێت كۆبونه‌وه‌ی په‌رله‌مان به‌ڕێوه‌ ببه‌ یان به‌ڕێوه‌ی مه‌به‌ "

هه‌روه‌ها ڕه‌تیكرده‌وه‌" كارنامه‌ی دانیشتنه‌كه‌ی ڕۆژی 5/7 گۆڕابێت، وتیشی" له‌گه‌ڵ ڕێزمدا ئه‌مه‌ قسه‌ی لابه‌لان له‌ناو ده‌سته‌ی سه‌رۆكایه‌تی په‌رله‌ماندا سێ كه‌س هه‌ن كه‌بۆچوون ده‌ده‌ن بۆچوونی دوو كه‌س هه‌موو كاتێك ده‌توانێت زۆر شت هه‌یه‌ یه‌كلایی بكاته‌وه‌ به‌ڵام ئێمه‌ هه‌میشه‌ ڕێزی ئه‌وه‌مان گرتووه‌ و وتومانه‌ با شته‌كان به‌ سازان و به‌ڕه‌زامه‌ندی هه‌موولایه‌نه‌كان بێت بۆیه‌ له‌ حاڵه‌تێكدا كه‌ "به‌ڕێز سه‌رۆكی په‌رله‌مان نه‌هات بۆ دانیشتنه‌كه‌ به‌ڕێوه‌ی به‌رێت، زۆری له‌سه‌ر نه‌بووه‌ و فشاری له‌سه‌ر نه‌بووه‌ ، هه‌تا چه‌ند كاتژمێرێك پێش ئه‌وه‌ی دانیشتنه‌كه‌ ئه‌نجام بدرێت وتویه‌تی دێمه‌ ناو دانیشتنه‌كه‌وه‌ دوایی خۆی وتویه‌تی نایه‌م، كه‌ وتی نایه‌م ئه‌و كاته‌ جێگر دانیشتنه‌كه‌ به‌ڕێوه‌ ده‌بات."

هه‌ورامی ڕاشیگه‌یاند" سه‌رۆكی په‌رله‌مان ناتوانێت به‌ جێگر بڵێت كۆبونه‌وه‌ی په‌رله‌مان به‌ڕێوه‌ ببه‌ یان به‌ڕێوه‌ی مه‌به‌، كه‌ نه‌هات ئیتر ئۆتۆماتیكی جێگر به‌ڕێوه‌ی ده‌بات له‌به‌رئه‌وه‌ی كه‌ واده‌ی كۆبوونه‌وه‌ ڕاگه‌یه‌نراوه‌."

"ئێمه‌ ده‌مانه‌وێت په‌رله‌مان كۆببێته‌وه‌ "

پێشه‌وا هه‌ورامی له‌درێژه‌ی وتووێژه‌كه‌دا وتی" ئه‌م بابه‌ته‌ ڕۆیشت و كۆتایی پێهات كێشه‌ی ته‌ندروستی له‌ هه‌رێمی كوردستان هه‌یه‌، له‌پارێزگاكاندا كێشه‌ی ته‌ندروستی هه‌یه‌ واته‌ چه‌ندین بابه‌تی هه‌ستیار و گه‌رم كه‌ ده‌كرێت په‌رله‌مان ئێستا له‌سه‌ریان كۆبێته‌وه‌ به‌ڕێز سه‌رۆكی په‌رله‌مان حه‌ق بوو، وه‌كو خۆی وتی ئه‌مجاره‌ په‌رله‌مان بۆ بابه‌تی جددی كۆده‌بێته‌وه‌ بۆ بابه‌تێك كه‌ خه‌می خه‌ڵك بێت حه‌ق بوو له‌ خه‌می خه‌ڵكدا بێت و دیسان ئه‌م فه‌وزا سیاسیه‌ دروست نه‌كات و سه‌رو میزاجی خه‌ڵكی كوردستان تێك نه‌دات و ئاشتی كۆمه‌ڵایه‌تی دیسان تێكنه‌دات له‌كاتێكدا خه‌ڵك خۆی ئه‌م هه‌موو موعاناته‌ی هه‌یه‌، سه‌رۆكی په‌رله‌مان و حیزبه‌كه‌ی هاتن و ئه‌م به‌زمه‌یان دروستكرد كه‌ بابه‌تێكی نایاسایی نازانم ناوی بنێم چی قابیلی ئه‌وه‌ نه‌بوو كه‌ ئه‌م هه‌موو هه‌ڵایه‌یه‌ی له‌سه‌ر دروست بكرێت دروستیانكرد له‌كاتێكدا كه‌ له‌ په‌رله‌مان چوونه‌ ده‌ره‌وه‌ وتیان ئێمه‌ ئه‌مجاره‌ بۆ خه‌می خه‌ڵك كۆده‌بینه‌وه‌."

" سه‌رۆكی په‌رله‌مان هه‌زار بڕیاری تریش ده‌ربكات بۆ گه‌ڕاندنه‌وه‌ی پارێزبه‌ندی هه‌رهه‌مان قیمه‌تی هه‌یه‌ "

" به‌هه‌ر حاڵ ئێمه‌ ده‌مانه‌وێت په‌رله‌مان كۆ ببێته‌وه‌ وجارێكی دیكه‌ دابنیشینه‌وه‌ ئه‌وه‌ی ڕۆیشتووه‌، ڕۆیشتووه‌ ئه‌م بابه‌ته‌ قابیلی گفتوگۆ نییه‌، ده‌بێت یاسا دیسان پارێزبه‌ندی بداته‌وه‌ به‌ كاك سۆران، سه‌رۆكی په‌رله‌مان هه‌زار بڕیاری تریش ده‌ربكات هه‌رهه‌مان قیمه‌تی هه‌یه‌ كه‌ ئه‌و نوسینه‌ی پێرێ بڵاوی كردۆته‌وه‌، بابێن له‌ خه‌می خه‌ڵكدا بۆ كێشه‌كانی خه‌ڵك بۆ كه‌رتی ته‌ندروستی بۆ بابه‌تی په‌روه‌رده‌ كه‌ ده‌بینین خوێندنی هێشتا پۆلی شه‌شه‌كان وه‌ چه‌ند بابه‌تێكی دیكه‌ یه‌كلانه‌بۆته‌وه‌ بابێن له‌سه‌ر ئه‌م شتانه‌ كۆببنه‌وه‌." پێشه‌وا هه‌ورامی وایوت"

" وه‌كو به‌زه‌یی ئینسان له‌ هه‌ڵوێسته‌كه‌ی سه‌رۆكی په‌رله‌مان تێده‌گات "

وته‌بێژی فراكسیۆنی پارتی ده‌شڵێت"وه‌كو به‌زه‌یی ئینسان له‌ هه‌ڵوێسته‌كه‌ی سه‌رۆكی په‌رله‌مان بۆ ده‌ركردنی بڕیاری هه‌ڵوه‌شاندنه‌وه‌ی هه‌ڵگرتنی پارێزبه‌ندی له‌سه‌ر (سۆران عومه‌ر) تێده‌گات به‌ڵام ئیتر ئه‌مه‌ دۆخی سیاسیشه‌و ناكرێت له‌به‌رئه‌وه‌ی هه‌ر جارێك ئه‌و ئیحراج كرا شتێكی نایاسایی تێپه‌ڕێت ئه‌مه‌ دامه‌زراوه‌ییه‌ و په‌رله‌مانه‌ و نوێنه‌رایه‌تی هه‌موو خه‌ڵكی كوردستان ده‌كات ناكرێت هه‌ركاتێك تاقه‌تی هه‌بوو نایاساییه‌ك به‌سه‌ریدا تێپه‌ڕێنیت و بڵێت "وه‌ڵا" له‌ژێر فشاردا بووه‌."

" چاوه‌ڕێیی ئه‌مری حیزبی خۆمان ده‌كه‌ین "

له‌وه‌ڵامی ئه‌و پرسیاره‌ی ئایا هه‌ڵوێستتان به‌رامبه‌ر سه‌رۆكی په‌رله‌مان چی ده‌بێت ده‌نگۆی ئه‌وه‌ هه‌یه‌ فراكسیۆنه‌كه‌تان ئه‌گه‌ری هه‌یه‌ داوای ده‌ستله‌كاركێشانه‌وه‌ی سه‌رۆكی په‌رله‌مان بكه‌ن ؟ پێشه‌وا هه‌ورامی وتی" ئێمه‌ چاوه‌ڕێی ئه‌مری حیزبی خۆمان ده‌كه‌ین، هه‌ر شتێك هه‌بێت ئێمه‌ پابه‌ندده‌بین وه‌ تا ئێستا خواستی ئه‌وه‌ی كه‌ زانیومانه‌ ئێمه‌ خواستی پارتی له‌ ئێمه‌ ئه‌وه‌ ویستراوه‌ كه‌ ئاشتی كۆمه‌ڵایه‌تی بپارێزین، وه‌ هه‌وڵی فه‌وزا نه‌ده‌ین هه‌وڵبده‌ین كه‌ دۆخی كوردستان سه‌قام گیربێت ئه‌مه‌ له‌ ئێمه‌ داواكراوه‌."

please wait

No media source currently available

0:00 0:10:58 0:00


XS
SM
MD
LG