سەڵاحەدین محەمەد بەهائەدین ئەمینداری گشتی یەکگرتووی ئیسلامی کوردستان ئەمڕۆ لەدوای بەشداری کردنی لەپڕۆسەی دەنگدان لەلێدوانێکیدا بۆ کەناڵی ئاسمانی( سپێدە) کەناڵی فەرمی حیزبەکەی وتی" هەڵبژاردن ڕێگای گۆڕانكاری و ڕێگای ئەو ئاواتانەیە كە هاوڵاتیان هەیانەوە و دەیانەوێت بهێننەدی و نیگەرانی و بێزاری چارەسەر نیە.".
ئەمینداری گشتی یەکگرتووی ئیسلامی کوردستان ئەوەشی وت" پێویستە هاوڵاتیان نیگەرانی و ناڕەزایەتیەكانیان بكەن بە "عەمەلی" و بەشداری پرۆسەكە بكەن بە عەمەلی دەتوانن گۆڕانكاری دروست بكەن و لە دورەوە قسەكردن كێشەكان چارەسەر ناكەن، پێویستە بەشداری لەهەڵبژاردندا بکەن."
سەڵاحەدین محەمەد بەهائەدین ئاماژەی بەبڕێارەکانی کۆمسیۆن کرد کەشەوی ڕابردوو دەریکردن و وتی": كۆمسیۆن ڕێنمای باشی دەركردوەو لایەنە سیاسیەكان دەبێت خۆیان لەسەروی كۆمسیۆن و یاساوە نەبینن.'
ئەمڕۆ یەکشەممە کاتژمێر (8:00) بەکاتی هەولێری پایتەختی هەرێمەکە، پڕۆسەی دەنگدانی گشتی بۆ هەڵبژاردنی (111) ئەندامی ئەنجومەنی نیشتمانی هەرێمی کوردستان_ عیراق دەستیپێکرد.