Accessibility links

بڕیاری كردنەوەی دەرگای خۆ پاڵاوتن بۆ پۆستی سەرۆكی هەرێمی كوردستان درا


KRG. Kurdistan Parliment

لەبارەی شێوازی هەڵبژاردنی سەرۆك، دەنگدان بە نهێنی دەبێت یاخود بە ئاشكرا، مونا قاوەچی لەوبارەیەوە دەڵێت، کە هەروەک لە یاساكەدا دیاریكراوە هەڵبژاردنەکە بە شێوازێكی ئاشكرایی دەبێت و لە پەرلەمانی كوردستان هەڵدەبژێردرێت.

ڕۆژی یەكشەممە دەستەی سەرۆكایەتی پەرلەمانی هەرێمی كوردستان بریاری كردنەوەی دەرگای خۆ پاڵاوتن بۆ پۆستی سەرۆكی هەرێمی كوردستانی دا، بەو مەرجانەی كە لە مادەی پێنجەمی یاسای سەرۆكایەتی هەرێمی كوردستانی عێراق ژمارە 1 ی ساڵی 2005 ی هەمواركراودا هاتووە كە دەبێت تەمەنی لە كاتی هەڵبژاردندا لە 40 ساڵ كەمتر نەبێت و هاووڵاتی و نیشتەجێی هەرێمی كوردستانی عێراق بێت و لە هەموو مافە مەدەنی و سیاسیەكانی بەهەرەمەند بێت.

لە كۆنگرەیەكی ڕۆژنامەوانیدا مۆنا قاوەچی جێگری دووەمی سەرۆكی پەرلەمانی كوردستان گوتی، " ئەمڕۆ دەرگای خۆ پاڵاوتن كرایەوە و بۆ ماوەی سێ ڕۆژ ئەم دەرگای خۆ پاڵاوتنە بەردەوام دەبێت و ئێمە وەكو دەستەی سەرۆكایەتی پەرلەمانی كوردستان لەمڕۆژەوە چاوەڕێ دەكەین سیڤیەكان پێشكەش بكرێن بۆ دەستەی سەرۆكایەتی پەرلەمانی كوردستان و هەموو مەرجەكان كە جێگیركراوە لە یاسای هەڵبژاردنی سەرۆكی هەرێمی كوردستان. هەر كەسێك لەو مەرجانە بەدەربێت لێرەدا ناكرێت دەستەی سەرۆكایەتی پەرلەمان سیڤیەكانیان لێ وەربگرێت."

جێگری دووەمی سەرۆكی پەرلەمانی كوردستان هەروەها گووتیشی ئەو كۆبوونەوەیان بۆیە ئەنجام داوە كە ئەو سێ ڕۆژە تەواو بوو كە دەرگای خۆ پاڵاوتن داخرا رێكارە یاساییەكان دەگرینەبەر ئەویش هەروەكو لە یاسای دامەزراوەی سەرۆكایەتی هەرێمی كوردستان كە هاتووە ماوەی دوو ڕۆژ دەدرێتە دادگای تەمیز بۆ تانە لێدان لەو ناوانەی كە پێشترسیڤیەكانیان پێشكەشكردووە و ناوەكانیان ڕانەگەیەنرا لێرەدا دەتوانن ئەوانە تانە لێ بدەن بە رێگای دادگای تەمیزدا بۆئەوە دوو ڕۆژ دەبێت ئەو دوو ڕۆژەش كە تەواو بوو بریاری دادگای تەمیز بریارێكی یەكلاكەرەوە دەبێت.

لەبارەی شێوازی هەڵبژاردنی سەرۆك، دەنگدان بە نهێنی دەبێت یاخود بە ئاشكرا، مونا قاوەچی لەوبارەیەوە دەڵێت، "لە یاساكەدا دیاریكراوە بە شێوازێكی ئاشكرایی دەبێت و لە پەرلەمانی كوردستان هەڵدەبژێردرێت، یاسای سەرۆكایەتی هەریمی كوردستان دەنگی پێدراو و پەسەند كرا لە لایەن 89 ئەندام پەرلەمانی كوردستان و هەر كەسێك ئازادە دەنگی خوی بە سەرۆكی هەرێمی كوردستان بدات و بە دەست بەرزكردنەوە دەبێت."

please wait

No media source currently available

0:00 0:02:33 0:00

XS
SM
MD
LG