له‌گه‌ڵ ڕاگه‌یاندنی بڕیاری کشانه‌وه‌ی ته‌واوی هێزه سه‌ربازیه‌کانی ئه‌مریکا له عێراق، نوری ئه‌لمالیکی سه‌ره‌ک وه‌زیر ڕووبه‌ڕووی ڕه‌خنه بۆته‌وه.
خالید شوانی ئه‌ندامی په‌رله‌مانی عێراق له‌سه‌ر لیستی کوردستانی ده‌ڵێت تا ئێستا ئه‌زموونی دیموکراسی و سیاسی عێراق سه‌قامگیر نین و له‌شکریش توانایی ته‌واوی نییه، بۆیه کشانه‌وه‌ی سه‌ربازه‌کانی ئه‌مریکا دڵه ڕاوکێیه‌کی له نێوه‌ندی سیاسی و گشتیشدا هێناوه‌ته ئاراوه.
له میانه‌ی گفت و گۆکه‌یدا له‌گه‌ڵ هاوکارمان به‌ڵێن ساڵح، به‌ڕێز شوانی ده‌شڵێت ئه‌وه‌ی له په‌رله‌ماندا ڕوویدا سه‌باره‌ت به مانه‌وه‌ی هێزه سه‌ربازیه‌کانی ئه‌مریکا بریتی بوو له جۆرێک موزایه‌ده کردنی سیاسی که هیچ بنچینه‌یه‌کی بابه‌تیانه‌ی تیادا نه‌بوو.
ده‌توانن له‌ڕێی کلیککردنی ئه‌و فایله ده‌نگیانه‌ی سه‌ره‌وه‌ی ده‌سته چه‌پ گوێبیستی ته‌واوی گفت و گۆکه بن که ماوه‌که‌ی 5:29 خوله‌که.
