ژاپۆن ڕایگەیاند بەشداری هاوپەیمانێتی ئەمەریکا ناکات بۆ پاراستنی کەشتیە بازرگانییەکان لە ڕێڕەوە ئاوییەکانی ڕۆژهەڵاتی ناوەڕاستدا بەڵام لەجیاتی ئەوە هێزێک بەجیا دەنێرێت بۆ پاراستنی ئەو کەشتیانەی لەم ناوچەیەوە بەرەو ژاپۆن دەڕۆن.
سکرتێری باڵای ئەنجومەنی وەزیرانی ژاپۆن یوشیهیدی سوجا وتی " بەشدار نابین لەگەڵ ئەمەریکادا بەڵام لە نزیکەوە هاریکارییان لەگەڵدا دەکەین. هێزی بەرگری سەربەخۆ یارمەتیدەر دەبێت لە دابینکردنی ئاسایشی ئەو کەشتیانەدا کە پەیوەندییان بە ژاپۆنەوە هەیە."
سوجا وتی ئەو هێزە سەربازییەی ژاپۆن ڕەوانەی ڕۆژهەڵاتی ناوەڕاستی دەکات کەشتی جەنگی و فڕۆکەی جەنگی تیادا دەبێت و لە کەنداوی عومان و باکوری دەریای عەرەب و ناوچەکانی دیکە کاردەکەن.
سەرچاوە/ ڕۆیتەرز