Accessibility links

سەرۆک وەزیری ئیتاڵیا دەڵێت سیاسەتی دەرەوەی وڵاتەکە دوای وەرگرتنی یارمەتییەکان نەگۆڕاوە


سەرۆک وەزیری ئیتاڵیا جۆزێپی کۆنتی

سەرۆک وەزیری ئیتاڵیا جۆزێپی کۆنتی وتی دوای ئەوەی وڵاتەکە یارمەتی لەلایەن ڕوسیا و چینەوە وەرگرتووە بۆ ڕووبەڕوبوونەوەی ڤایرۆسی کۆرنا، سیاسەتی دەرەوەی وڵاتەکە نەگۆڕاوە.

ڕۆژنامەی لاستامبای لە زاری کۆنتیەوە بڵاویکردەوە " دەتوانم دڵنیاتان بکەمەوە سیاسەتی دەرەوەی ئێستامان وەکو سیاسەتی دەرەوەی دوێنێمانە."

ڕۆژی دووشەممە وەزیری بەرگری ئەمەریکا مارک ئێسپەر وتی ڕوسیا و چین سوودیان لە بڵاوبوونەوەی ڤایرۆسی کۆرۆنا وەرگرتووە تاوەکو بەرژەوەندییەکانیان لە ئەوروپا پتەوتر بکەنەوە و " دابەشکاری لە هاوپەیمانێتی ناتۆ و ئەوروپادا دروست بکەن."

ڕوسیا و چین یارمەتی ئیتاڵیایان داوە بە ناردنی پزیشک و کەلوپەلی تەندروستی و کەمامە بۆ ئەو وڵاتە.

لەلایەکی دیکەوە وەزیری بەرگری ئیتاڵیا وتی وڵاتەکە یارمەتی لە کۆمەڵێک وڵاتەوە وەرگرتووە، لە وڵاتانی ئەوروپا و ئەمەریکا و چین و ڕوسیا، بەڵام ئەمە " چوارچێوەی سیاسیی تایبەتی ئێمەی نەگۆڕیوە."

سەرچاوە/ ڕۆیتەرز

XS
SM
MD
LG