سوپای ئیسڕائیل ڕایگەیاند ڕەفا سەلامەی فەرماندەی لیوای خان یونسی حەماس لە هێرشێکی ئاسمانیدا ڕۆژی شەممە کوژراوە، هێرشەکە سەرکردەی باڵی سەربازیی حەماس محەمەد زەیفیشی کردووەتە ئامانج.
سوپای ئیسڕائیل وتی سەلامە یەکێک بووە لە نزیکترین یاریدەدەرەکانی زەیف و بەشدار بووە لە پلاندانانەکەی حەماس بۆ هێرشەکەی 7 ی مانگی 10 بۆ سەر ئیسڕائیل. وتیشی مەرگی سەلامە " بە شێوەیەکی بەرچاو توانا سەربازییەکانی حەماس کەم دەکاتەوە."
حەماس مەرگی سەلامەی پشتڕاست نەکردووەتەوە.
سەرچاوە/ ڕۆیتەرز
