Accessibility links

دەزگای هەواڵی فارس : ئێران سەرکۆنەی هێرشەکانی ئیسڕائیل دەکات بۆ سەر غەزە


دەزگای هەواڵی فارس ئاماژەی بەوەدا وەزارەتی دەرەوەی ئێران سەرکۆنەی هێرشەکانی ئیسڕائیلی کردووە بۆ سەر غەزە و بە هێرشێکی دڕندانەی ناودێر کردووە و لۆمەی ئەمەریکا دەکات لەو پشتیوانییە هەمیشەییەی لە ئیسڕائیلی دەکات.

دەزگاکە لە زاری وتەبێژی وەزارەتی دەرەوەی ئێران عەباس مەوسەوییەوە بڵاویکردەوە " ئێران بەتوندی سەرکۆنەی هێرشە دڕاندانەییەکەی ڕژێمی سەهیۆنی دەکات کە بووە هۆی کوژرانی دەیان فەڵەستینی کە منداڵ و ئافرەتیشیان تێدایە."

مەوسەوی وتیشی " بەهۆی پشتیوانی تەواوی ئەمەریکا و بێدەنگبوونی شەرمەزاریی هەندێک لە حکومەتە ئیسلامییەکان، تاوانەکانی سەهیۆنیەت لە خاکی داگیرکراوی فەڵەستیندا کۆتاییان نایەت." ئەمەش وەکو ئاماژەیەک بۆ ئەو شەڕ و پێکدادانەی کە ئێستا ڕوودەدەن لەسەر سنوور لەنێوان ئیسڕائیل و حەماسدا.

سەرچاوە/ ڕۆیتەرز

XS
SM
MD
LG