کۆشـکی سـپـی دەڵێت وتووێژەکانی نێوان زلهێزانی جیهان و ئێران لە ڤیەنـنا بەرەوپـێشچوونێـکی باشی بەخۆیەوە بینیوە، بەڵام هێشـتا چەند بابەتێـک ماونەتەوە کە هێشـتا لەسەریان ڕێـکنەکەوتوون.
جۆش ئێرنست گوتەبێژی کۆشـکی سـپی ئەمڕۆ دووشەممە ئەمەی ڕاگەیاند و گوتی لەوانەیە وتووێژەکان بۆ ڕۆژێـکی دیکە درێژبکرێنەوە.
گوتیشی سەرۆک ئۆباما داوای لە تیمی وتووێژەکاری ئەمەریکایی کردووە لە ڤیەنـنا بمێنەوە، هەتا ئەو کاتەی وتووێژەکان بەرەو باشی دەڕۆن.