ئۆفیسی سەرۆکی فەڕەنسا ئیمانوێل ماکرۆن وتی فەڕەنسا کۆمەڵێک شارەزا دەنێرێت بۆ یارمەتیدان لە لێکۆڵینەوەکان سەبارەت بە هێرشەکەی سەر دامەزراوە نەوتییەکانی سعودیە.
کۆشکی ئیلیزیێە وتی ماکرۆن بە توندی سەرکۆنەی هێرشەکە دەکات و بە شازادەی جێنشینی سعودیە محەمەد بن سەلمانی ڕاگەیاندووە فەڕەنسا پابەندە بە سەقامگیری ڕۆژهەڵاتی ناوەڕاستەوە.
لە بەیاننامەکەدا هاتووە دەڵێت " وەکو وەڵامێک بۆ داواکەی سعودیە، سەرۆک ماکرۆن بە شازادەی جێنشینی سعودیە محەمەد بن سەلمانی ڕاگەیاندووە فەڕەنسا کۆمەڵێک شارەزا دەنێرێت بۆ بەشداریکردن لە لێکۆڵینەوەکاندا کە ئامانج لێیان ئاشکراکردنی سروشت و سەرچاوەی هێرشەکەیە."
فەڕەنسا دەڵێت ئەو هێرشەی سەر دامەزراوە نەوتییەکانی سعودیە لەوانەیە زیان بە هەوڵەکانی فەڕەنسا بۆ کەمکردنەوەی گرژییەکانی نێوان ئەمەریکا و ئێران بگەیەنێت.
سەرچاوە/ ڕۆیتەرز