سەرۆکی فەڕەنسا ئیمانوێل ماکرۆن پەنجەی تۆمەتی ئاڕاستەی تورکیا کرد بەهۆی پشتیوانییەکانی ئەو وڵاتە بۆ حکومەتی لیبیا، وتی تورکیا " یارییەکی مەترسیدار " دەکات لە لیبیا و هەموو ئەو ڕێکەوتنانەی پێشێلکردووە کە لە دانوستانە نێودەوڵەتیەکاندا پەسەندی کردوون.
ماکرۆن وتی " هەلێکم دەستکەوت بەڕوون و ئاشکرا بە سەرۆک ئەردۆگان بڵێم کە من پێم وایە تورکیا یارییەکی مەترسیدار دەکات لە لیبیا و لەگەڵ ئەو ڕێکەوتنانەدا یەک ناگرێتەوە کە لە کۆنگرەی بەرلیندا پەسەندی کردوون." ئەوەش وەکو ئاماژەیەک بۆ کۆنگرەی ئاشتی کە لەمساڵدا لە بەرلین بەڕێوەچوو.
ماکرۆن وتیشی " ئێمە ئەو ڕۆڵەی تورکیا لە لیبیا دەیگێرێت قبوڵی ناکەین."
ماکرۆن وتی لە ماوەی ڕابردوودا بەمەبەستی تاوتوێکردنی ڕەوشی لیبیا قسەی لەگەڵ سەرۆکی ئەمەریکا دانۆڵد ترامپدا کردووە .
سەرچاوە/ ڕۆیتەرز