وەزیری دەرەوەی فەڕەنسا ژان ئیڤ لۆدغیان وتی ئامانجی سەرەکی لە کۆبوونەوەکەی کۆمەڵەی گشتی نەتەوە یەکگرتووەکاندا کەمکردنەوەی گرژییەکانی نێوان ئەمەریکا و ئێران دەبێت.
لۆدغیان بە ڕۆژنامەنووسانی وت " کۆبوونەوەی نێوان سەرۆکی ئەمەریکا دانۆڵد ترامپ و سەرۆکی ئێران حەسەن ڕۆحانی ئامانجی سەرەکی نیە. ئامانجی سەرەکی ئێمە لەوەدایە بتوانین گرژییەکانی نێوان هەموو لاکان کەم بکەینەوە."
ساڵی ڕابردوو ئەمەریکا لە ڕێکەوتنە ناوەکییەکەی نێوان ئێران و زلهێزەکانی جیهان کشایەوە و هەموو سزاکانی سەپاندەوە بەسەر ئەو وڵاتەدا. بەمەش پەیوەندییەکانی نێوان ئەو دوو وڵاتە تا دێت خراپتر دەبێت. لەلای خۆشیەوە فەڕەنسا هەمیشە هەوڵیداوە گرژییەکانی نێوانیان کەم بکاتەوە.
سەرچاوە/ ڕۆیتەرز