یەکێتی ئەوروپا لە بەیاننامەیەکدا ڕایگەیاند دوو ئێرانی و بەڕێوبەرایەتی ئاسایشی ناوخۆی سەر بە وەزارەتی هەواڵگری ئێرانی خستۆتە لیستی تیرۆری تایبەت بە یەکێتییەکەوە.
لە بەیاننامەکەدا هاتووە دەڵێت " ئەنجومەنەکە لە چوارچێوەی ئەو هێرشانەی کە لەمدواییانەدا لە سەر خاکی ئەوروپا بەرپەرچدراونەتەوە ئەو بڕیارەی دەرکردووە."
وەزیرانی وڵاتانی ئەندام لە یەکێتییەکە لە کۆبوونەوەکەیاندا لە بڕۆکسل ڕێکەوتن لەسەر ئەم ڕێوشوێنە کە لە ڕۆژی چوارشەممەوە جێبەجێ دەکرێت و باڵانسی ئەو کەس و لایەنانەی دیاریکراوە هەمووی سڕ دەکرێت.
سەرچاوە/ ڕۆیتەرز