هەرێمی کوردستان لە ماوەی چەند مانگی ڕابردوو توانی سەرکەوتووبێت لە ڕووبەڕووبوونەوەی ڤایرۆسی کۆرۆنا و بە بەراوردکردنی لەگەڵ زۆر شوێنی جیهان ڕێژەی قوربانیانی ئاکامی ئەم ڤایرۆسە لە هەرێمدا کەمتربووە.
بە پێی بۆچوونی بەڕێوبەری کلینکی تەندروستی عەلی ناجی لە شاری سلێمانی تایبەت بە کۆرۆنا ڤایرۆس پێی وایە "پلانی پێشوەختەی بەڕێوبەرایەتی تەندروستی و بەتەنگەوە چوونی هاوڵاتیان بە رێنوماییەکانەوە رۆڵی باشی گێڕاوە".
ئەی ئێستا چی؟ ڤایرۆسەکە لە هەموو جیهان چالاکە بە شکاندنی کەرەنتینە و قەدەغەی هاتوچۆ مەترسی تەشەنە سەندنی ئەو ڤایرۆسە لە ئارادا نیە؟
لە بەرنامەی ڕوانگە تاوتوێی مەترسی و رێنوماییەکانمان لەگەڵ دکتۆر سەرخێڵدا کراوە.
