دەزگای هەواڵی چین "شینخوا" ڕایگەیاند سەرۆکی چین شی جین پینگ بەڵێنیداوە لەگەڵ سەرۆکی کۆریای باشوور تەواوی هەوڵەکانی خۆی بدات بۆ چارەسەرکردنی ناکۆکییەکانی نێوان دوو وڵاتەکە بەشێوەیەکی گونجاو.
دەزگاکە وتیشی " شی لەمیانەی پەیامێکی پیرۆزباییدا کە بۆ مونی ناردووە لە ساڵیادی بیست و پێنج ساڵەی پەیوەندییەکانی نێوان چین و کۆریای باشووردا ئەم لێدوانانەی داوە."
شینخوا لەزاری سەرۆکەوە بڵاویکردەوە پەرەپێدانی پەیوەندییەکانی نێوان دوو وڵاتەکە سوودێکی زۆری دەبێت بۆ ئاشتی و ئارامی ناوچەکە. شینخوا وردەکاریی زیاتری بڵاونەکردەوە.
کۆریای باشوور لەگەڵ ئەمەریکادا ڕێکەوت بۆ بڵاوکردنەوەی سیستمی بەرگری موشەکی وەکو وەڵامدانەوەیەک بۆ هەڕەشە موشەکیەکانی کۆریای باکوور.
بەڵام ڕێکەوتنەکە چینی توڕە کرد و وتی ڕاداری سیستمەکە ناوچەکانی ئاشکرا دەکات و بۆ ئاسایشی وڵاتەکەی باش نیە.
سەرچاوە/ ڕۆیتەرز