Accessibility links

ترودۆ: هێرشکردنە سەر سەلمان ڕوشدی لێدانە لە ئازادی ڕادەربڕین


سەرۆک وەزیری کەنەدا جەستن ترودۆ

سەرۆک وەزیری کەنەدا جەستن ترودۆ دەڵێت هێرشەکەی سەر سەلمان ڕوشدی نوسەر لێدانە لە ئازادی ڕادەربڕین.
سەرۆک وەزیری کەنەدا جەستن ترودۆ وتی " نابێت هیچ کەس لەسەر ئەوەی چی دەنوسێت هەڕەشەی لێبکرێت یاخود ئازار بدرێت. چاکبوونەوەیەکی خێرای بۆ دەخوازم."
لەلایەکی دیکەوە بەرپرسی کاروباری سیاسەتی دەرەوەی یەکێتی ئەوروپا جۆزێپ بۆڕێڵ وتی " بە توندی " سەرکۆنەی هێرشەکەی سەر سەلمان ڕوشدی دەکات.
بۆڕێڵ وتی " ڕەتکردنەوەیەکی نێودەوڵەتی بۆ ئەم جۆرە تاوانانە کە یاسا و ئازادییە بنچینەییەکان پێشێل دەکەن، تەنها ڕێگەیە بەرەو جیهانێکی باشتر و ئاشتیانەتر."

لە ماوەی ڕابردوودا ڕۆماننوس سەلمان ڕوشدی لە نیویۆرکی ئەمەریکا بە چەقۆ هێرشی کرایەسەر و بریندارکرا. دوای چەند کاتژمێرێک لەژێر نەشتەرگەریدا، ڕوشدی ئێستا لەسەر ئامێری هەناسەدانە.

سەرچاوە/ ڕۆیتەرز

XS
SM
MD
LG