Accessibility links

بۆڵتن: ڕێگا کراوەیە لەبەردەم ئێراندا بۆ ئەنجامدانی گفتوگۆ لەگەڵ ئەمەریکا


ڕاوێژکاری ئاسایشی نیشتیمانی ئەمەریکا جۆن بۆڵتن

ڕاوێژکاری ئاسایشی نیشتیمانی ئەمەریکا جۆن بۆڵتن وتی وڵاتەکەی هێشتا ئامادەیە گفتوگۆ لەگەڵ ئێراندا بکات، ئەم لێدوانەی بۆڵتنیش دوای ئەوە هات ئەمەریکا سزاکانی بۆ سەر ئێران توندترکردەوە.

بۆڵتن لە ئۆرشەلیم وتی " سەرۆک دەرگای لەبەردەم ئەنجامدانی گفتوگۆیەکی ڕاستەقینەدا کردۆتەوە سەبارەت بە لەناوبردنی بەرنامە ناوەکییەکەی ئێران کە دواتر بتوانرێت پشکنینی بۆ بکرێت، هەروەها لەناوبردنی سیستمی موشەکە باڵیستیکییەکانی و پشتیوانیکردنی لە تیرۆری نێودەوڵەتی و ڕەفتارە خراپەکانی دیکەی ئێران لە سەرتاسەری جیهاندا."

وتیشی " هەموو ئەوەی لەسەر ئێرانە بیکات ئەوەیە لەو دەرگا کراوەیەوە بپەڕێتەوە."

ئەم لێدوانەی بۆڵتنیش لە دەستپێکی کۆبوونەوەکەی هات لەگەڵ هاوتا ئیسڕائیلی و ڕوسییەکەیدا کە پێشبینی دەکرێت کۆبوونەوەکەیان سەبارەت بە ئێران و سوریا بێت.

سەرچاوە/ ڕۆیتەرز

XS
SM
MD
LG