Accessibility links

پیاوێک لە کالیفۆرنیا چوار کەس بە چەقۆ دەکوژێت


پۆلیسی ویلایەتی کالیفۆرنیای ئەمەریکا هەوڵ دەدات هۆکاری ئەوە بزانێت ئەو پیاوە بۆچی ئەو کارەی کردووە لە دوو ناوچەی نزیک لۆس ئانجلس کە تیایدا چوار کەسی بە چەقۆ کوشت و دوانی دیکە برینداربوون.

پۆلیس وتی پیاوێکی تەمەن 33 ساڵیان دەستگیرکردووە بەڵام ناویان ئاشکرا نەکرد.

بەرپرسان وتیان دوانیوەڕۆی ڕۆژی چوارشەممە پیاوەکە دوو کەسی لە دراوسێکانی بە چەقۆ کوشتووە و دواتر چۆتە نانەواخانەیەکەوە لە ناوچەکەدا، لەو کاتەدا پۆلیس هەواڵی پێدراوە سەبارەت بە کەسێک کە چەقۆی پێیە.

دواتر پیاوەکە پارەیەکی زۆری دزیوە دوای ئەوەی هەڕەشەی لە خاوەنەکانی کردووە و بە ئوتومبێلەکەی هەڵهاتووە بۆ ناوچەیەکی نزیک و لەوێ لە چێشتخانەیەکدا پیاوێکی دیکەی بە چەقۆ کوشتووە و دواتریش پاسەوانی قاوەخانەیەکی کوشتووە. دواتر لەلایەن پۆلیسەوە دەستگیرکراوە.

سەرچاوە/ ڕۆیتەرز

XS
SM
MD
LG