كاربه‌ده‌ستان له عێراق ده‌ڵێن ئۆتوبیسێكی بۆمبكراو له ده‌ره‌و‌ه‌ی مزگه‌وتێكی شیعه‌كان له باكوری رۆژهه‌ڵاتی به‌غدا ته‌قیوه‌ته‌وه و بوه‌ته هۆی كوشتنی به‌لای كه‌م 13 كه‌س.
پۆلیس ده‌ڵێت ته‌قینه‌وه‌كه‌ی ئه‌مڕۆ كه له شارۆچكه‌ی به‌له‌د رۆز ڕووی داوه ئامانجی ئه‌و عێراقییانه بووه كه خه‌ریكی به‌جێ هێشتنی مزگه‌وتێكی شیعه‌كان بوه كه بوه‌ته هۆی كوشتنی 13 كه‌س و بریندار بوونی 23 كه‌س.
وه له هێرشێكی تردا، چه‌كداره‌كان ده‌ستڕێژییان له شیعه‌كان كردووه كه له ناو نانه‌واخانه‌یه‌كدا بوون و بهلانی كه‌م 9 كه‌سیان كوشتووه.