كاربه‌ده‌ستانی عێراقی ده‌ڵێن هێرشبه‌ره‌كان كاربه‌ده‌ستێكی هه‌ڵبژاردنه‌كانیان له ڕۆژئاوای به‌غدا كوشتووه، كه به‌لانی كه‌م حه‌فته‌م كارمه‌ندی هه‌ڵبژاردنه‌كانه بكوژرێ به‌ر له هه‌ڵبژاردنه‌كانی 30 ی ئه‌م مانگه.
پۆلیس ده‌ڵێت ئه‌و كارمه‌نده له دره‌نگانێكی دوێنێ پێنج شه‌ممه ته‌قه‌ی لێكرا به‌ڵام هیچ ورده‌كاریه‌كیان له سه‌ری نه‌دا. پێشتریش گروپێكی یاخی بوان، ئه‌نسار ئه‌لئیسلام، به‌رپرسیارێتی كوشتنی یاریده‌ده‌رێكی ڕێبه‌ری باڵای شیعه‌كان ئایه‌تولله عه‌لی ئه‌لسیستانیان گرتۆته ئه‌ستۆ. وه له به‌یان نامه‌یه‌كی ئه‌مرۆ هه‌ینی دا هه‌ڵبژاردنه‌كانی عێراقییان قه‌ده‌غه كردووه.
كاربه‌ده‌ستانی به‌رگری ئه‌مریكی ده‌ڵێن هێزه‌كانی عێراقی به‌شێوه‌یه‌كی زۆر توانایان باشتر بووه سه‌ره‌ڕای زیادبونی هێرشه‌كان بۆ سه‌ریان.
كاربه‌ده‌ستانی له‌شكری ده‌ڵێن له‌شكه‌ری عێراقی و پۆلیس و هێزی ئاسایش توانای خۆیان نیشان ده‌ده‌ن بۆ ئه‌نجام دانی چه‌ندین چالاكی.