کاربه‌ده‌سـتانی عێراقی ده‌ڵێن له ئاکامی ته‌قینه‌وه‌ی ماشێـنێـکی بۆمبڕێژکراو له پارێزگای ئه‌نباری خۆرئاوای وڵات به لای که‌م 13 که‌س کوژراون و 24 که‌سیش برینداربوون.
له‌و باره‌یه‌وه لێـپـرسـراوانی حکومه‌تی عێراقی ده‌ڵێن هێرشبه‌ره خۆکوژه‌که ئۆتۆمبێلێـکی بۆمبڕێژکراوی کێشـاوه به بازگه‌یه‌کدا له نزیک باڵه‌خانه‌یه‌کی حکومه‌تی له شـاری ڕه‌مادی و چوار پـۆلیس له نێو کوژراوانی ته‌قینه‌وه‌که‌دان.
ئه‌وه‌ی شـایانی باسه توندوتیژی له پارێزگای ئه‌نبار ڕووی له هه‌ڵچوون کردووه، واته له‌و جێـگه‌یه‌ی که ڕۆژێـک له ڕۆژان مه‌ڵـبه‌ندی سه‌ره‌کی یاخیبووان بوو.
له‌و ده‌مه‌وه‌ی خێڵه سـوونیـیه‌کانی پارێزگای ناوبراو له سه‌ره‌تای سـاڵی 2006 وه بۆ وه‌ده‌رنانی چه‌کداران له پارێزگاکه‌یاندا پـشـتگیریان له له‌شـکری وڵاته یه‌کگرتووه‌کانی ئه‌مه‌ریکا کرد، له‌و سـاته‌وه ئه‌نبار هێمنی به‌خۆیه‌وه بینیوه.
ته‌قینه‌وه‌که‌ی ئه‌مڕۆی شـاری ڕه‌مادی له‌و کاته‌دایه عێراق خۆی بۆ هه‌ڵبژاردنی 7 ی مانگی داهاتوو ئاماده ده‌کات.
