Accessibility links

له‌ ئاکامی چه‌ند هێرشێـک له‌ پاکسـتان 23 که‌س ده‌کوژرێن


ده‌سه‌ڵاتدارانی پاکسـتان ده‌ڵێن له‌ ئاکامی ته‌قینه‌وه‌ی دوو بۆمب و ته‌قینه‌وه‌یه‌کی تر به‌ لای که‌م 23 که‌س کوژران.

پـۆلیس ده‌ڵێت ئه‌مڕۆ هه‌ینی هێرشـبه‌رێـکی خۆکوژ خۆی له‌ نزیـک ده‌زگایه‌کی له‌شـکری ته‌قانده‌وه‌ و ده‌رئه‌نجام 8 که‌سی کوشت و 13 که‌سی تریشی بریندارکرد. هه‌مان سه‌رچاوه‌ ده‌ڵێت هێرشه‌که‌ له‌ خاڵێـکی پشـکنینی شـاری که‌مره‌ی ڕۆژئاوای ئیسلام ئاباد ڕوویدا.

پاشـان ئۆتۆمبیلێـکی بۆمبڕێژکراو له‌ ده‌ره‌وه‌ی چێشـتخانه‌یه‌کی باکوری ڕۆژهه‌ڵاتی شـاری پـیشـاوه‌ر ڕوویدا و له‌ ئاکامدا به‌ لای که‌م 8 که‌س کوژران.

له‌ هه‌رێمی خێڵه‌کی مۆهمه‌ندیش بۆمبێک به‌ پاسـێـکدا ته‌قیـیه‌وه‌ که‌ زه‌ماوه‌ندگێڕانی ده‌گواسـته‌وه‌ و به‌ لای که‌م 15 که‌س کوژران.

شـایه‌نی باسه‌ له‌وه‌ته‌ی ده‌سـپـێـکی هه‌ڵمه‌تی له‌شـکری سـوپای پاکسـتان له‌ دژی هێزه‌کانی تاڵیبان له‌ باشوری هه‌رێمی وه‌زیرسـتان، هێرشی میلیتانه‌کان ڕووی له‌ زیادبوون کردووه‌.

بابه‌تی په‌یوه‌ندیدار

XS
SM
MD
LG