Accessibility links

وتووێژه‌کانی په‌یوه‌ست به‌ ناوه‌کیـیه‌که‌ی ئێران دواخرا پاش ئه‌وه‌ی ئێران گوتی پـێویست به‌ فه‌ره‌نسا ناکات


ئه‌مڕۆ دانوسـتاندنه‌کانی ڤیه‌نـنا سه‌باره‌ت به‌ به‌رنامه‌ی ناوه‌کی ئێران بۆ چه‌ند کاتژمێرێـک دواخرا له‌به‌ر ده‌ربڕینی ناڕه‌زایی له‌ لایه‌ن ئێرانه‌وه‌ به‌رامبه‌ر به‌ ڕۆڵی پـێشـنیازکراوی فه‌ره‌نسـا له‌ سه‌ودای پـیتاندنی یۆرانیۆمدا که‌ له‌ ژێر مشـتومڕدایه‌.

ئاژانسی وزه‌ی ناوه‌کی نێونه‌ته‌وه‌یی هیچ هۆکارێـکیان نه‌خسـته‌ ڕوو سه‌باره‌ت به‌ دواخسـتنی دووه‌م ڕۆژی وتووێژه‌کان له‌ نێوان ئێران و ڕووسیا و فه‌ره‌نسـا و ئه‌مه‌ریکا و ئاژانسی ناوبراودا.

وتووێژکاران تاووتوێی پـێشـنیازێـکیان کردبوو سه‌باره‌ت به‌ ناردنی یۆرانیۆمی ئێران بۆ ڕووسیا و فه‌ره‌نسـا بۆ ئه‌وه‌ی بکرێن به‌ سـووته‌مه‌نی. ئه‌م دواخستنه‌ پاش ڕاگه‌یاندنی وه‌زیری ده‌ره‌وه‌ی ئێران مه‌نوچه‌هر موتته‌کی له‌ تاران دێته‌ کایه‌وه‌ که‌ ڕایگه‌یاندبوو پـێویست به‌ فه‌ره‌نسـا ناکات له‌ هیچ سه‌ودایه‌ک که‌ په‌یوه‌ندی به‌ به‌رنامه‌ی ناوه‌کی ئێرانه‌وه‌ هه‌بێت.

شایه‌نی باسه‌ دیپـلۆماتێـکی نزیـک له‌ دانوسـتاندنه‌کانی ڤیه‌نـناوه‌ ده‌ڵێت هه‌نووکه‌ لایه‌نه‌کان وتووێژ له‌سه‌ر سه‌ودایه‌کی نێوان ڕووسیا و ئێران ده‌که‌ن.

بابه‌تی په‌یوه‌ندیدار

XS
SM
MD
LG