له‌ ئاکامی هێرشێـک بۆ سه‌ر باره‌گایه‌کی له‌شـکری له‌ پاکسـتان 6 سه‌رباز ده‌کوژرێن

کاربه‌ده‌سـتانی له‌شـکری پاکسـتان ده‌ڵێن ئه‌وان هه‌وڵی ده‌سـتگیرکردنی دوو چه‌کدار ده‌ده‌ن که‌ ڕۆژی شه‌ممه‌ ده‌سـتیان له‌ هێرشێـکدا هه‌بووه‌ بۆ‌ سه‌ر باره‌گای له‌شـکر له‌ شـاری ڕاوه‌ڵپـندی نزیک ئیسلام ئاباد.

کاربه‌ده‌سـتان ده‌ڵێن له‌ هێرشه‌که‌دا 4 چه‌کدار و به‌ لایه‌نی که‌م 6 سه‌رباز کوژراون و هه‌روه‌ها 5 سه‌ربازی دیکه‌ش برینداربوون.

کاربه‌ده‌سـتانی پـۆلیس ده‌ڵێن چه‌کداره‌کان جل‌وبه‌رگی سه‌ربازیـیان پـۆشیوه‌ و به‌ ئۆتۆمبیله‌وه‌ به‌ره‌و باره‌گاکه‌ چوون و هه‌ر له‌گه‌ڵ ئه‌وه‌ی سه‌ربازه‌کان ڕایانگرتوون ئه‌وان ده‌سـتیان به‌ ته‌قه‌کردن کردووه‌.

پاش هێرشه‌که‌ شه‌قام و ڕێـگاکانی ده‌وروبه‌ری بارگاکه‌ داخران و ژماره‌یه‌ک هه‌لیـکۆپـته‌ری له‌شـکری به‌ ئاسـمانی ناوچه‌که‌دا خولاونه‌ته‌وه‌.

تا ئاماده‌کردنی ئه‌م هه‌واڵه‌ که‌س به‌رپـرسـیارێتی خۆی له‌ هێرشه‌که‌ ڕانه‌گه‌یاندووه‌.

ڕۆژی هه‌ینی ڕێبه‌رانی پاکسـتان گوتیان ئه‌وان له‌ دژی چه‌کداران له‌ ناوچه‌ی باکۆری ڕۆژئاوای وڵاته‌که‌یان ده‌سـت به‌ هه‌ڵمه‌تێـکی نوێ ده‌که‌ن. به‌ر له‌و ڕاگه‌یاندنه‌ به‌ لایه‌نی که‌م 50 که‌س له‌ هێرشێـکی خۆکوژیدا له‌ شـاری پـیشـاوه‌ر کوژران.