له ئاکامی تهقینهوهی بههێز ئهوانهی له لایهن هێرشبهرانی خۆکوژ له ناوچهی باکوری خۆرئاوای پاکسـتان ئهنجامدران به لای کهم 16 کهس کوژراون و به دهیان کهسیش برینداربوون.
لهو بارهیهوه بهرپـرسـانی پـۆلیس دهڵێن هێرشبهرێـکی خۆکوژ ئهمڕۆ شهممه له ناوچهی بازرگانی شـاری پـیشـاوهر خۆی تهقاندۆتهوه و کوژرانی به لای کهم 10 کهس و ههروهها برینداربوونی پـتر له 70 کهسی لێـکهوتهوه.
سهبارهت به ڕووداوهکه گهواهیدهران دهڵێن هێرشبهره خۆکوژهکه سهرهتا ههنارۆکێـکی هاویشـتووه و پاشـان ئۆتۆمبیله بۆمبڕێژکراوهکهی تهقاندۆتهوه و ماشێنهکانی دهوروبهری ههڵـگهڕانۆتهوه و ههروهها پارچه شـوشه و داروپهردوی خانووبهرهی نزیکی تهقینهوهکهی به نێو جادهکهدا پهرشوبڵاوکردۆتهوه.
به ماوهیهکی کهم بهر لهم هێرشه خۆکوژیـیه، هێرشبهرێـکی دیکه بنکهیهکی پـۆلیسی له دهرهوهی شـارۆچکهی بانـنو خاپـورکرد و تیایدا به لای کهم 6 کهس کوژران و ههروهها پـتر له 60 کهسیش برینداربوون.
ئهم تهقینهوه خۆکوژیـیه بههێزه بنکهی پـۆلیس و خانووبهرهی دهوروبهری داڕماند. بهرپـرسـان دهڵێن کوژراوانی تهقینهوهکه پـۆلیس و ههروهها بهندکراوێـکی تێدابووه، زۆربهی بریندارانیش ئهندامانی پـۆلیس بوون.
ئهوهی شـایهنی باسه له دهمێـکی پـێشوهختی ئهم ههفتهیهدا وتهبێژ قاری حسێن ئاگاهی لهمهڕ ئهنجامدانی هێرشی زیاتر دا.
ههرێمی باکوری خۆرئاوای پاکسـتان ئهوهی هێرشه خۆکوژیـیهکانی ئهمڕۆی تیادا ئهنجامدران هاوسنووری ئهفغانسـتانه و ههروهها چهندان چهکداری ئهلقاعیده و تاڵیبان لهخۆدهگرێت.
