ڕۆژی هه‌ینی له میانه‌ی ئه‌و خۆپـیشـاندانانه‌ی کۆماری ئیسلامی به ناوی ڕۆژی قودس له شـاره‌کانی ئێراندا سـازی‌ده‌کات، باڵی ڕێفۆرمخواز به ڕێبه‌رایه‌تی میر حسێن موسه‌وی کاندیدی شـکسـتخواردووی هه‌ڵـبژاردنه‌کانی سه‌رۆکایه‌تی و محه‌مه‌د خاته‌می سه‌رۆکی پـێشـوو ده‌سـتیان کرد به چڕینه‌وه‌ی دروشمی دژ به مه‌حمود ئه‌حمه‌دی‌نه‌ژاد و به‌ره‌و ڕووی هێزه‌کانی حکومه‌ت وه‌سـتانه‌وه.
ئیدریس ئه‌حمه‌دی نووسه‌ر و لێـکۆڵه‌ره‌وه‌ی سیاسی له سوید له گفتوگۆیه‌کدا له‌گه‌ڵ هاوکارمان کاوه کرمانج له‌و باره‌یه‌وه ده‌ڵێت پـێشـبینی ده‌که‌م بۆ له‌مه‌ودوا حکومه‌تی ئێران زۆر به توندی له‌گه‌ڵ ڕێـفۆرمخوازه‌کاندا مامه‌ڵه بکات.
ده‌توانن گوێبیسـتی ده‌قی گفتوگۆكه بن له ڕێـگه‌ی كلیـكـكردنی ئه‌و فایله ده‌نـگیـیانه‌ی ده‌سته چه‌پ، ماوه‌كه‌ی 7 خوله‌كه.
