وتووێـژکاری باڵای ناوه‌کی ئێران ده‌ڵێت وڵاته‌که‌ی ئاماده‌یه بۆ ده‌سـتکردنه‌وه به دانوسـتاندن له‌گه‌ڵ وڵاته زلهێزه‌کانی جیهاندا سه‌باره‌ت به به‌رنامه ناوه‌کیـیه‌که‌ی که مشـتومڕی گرتۆته ئامێز.
ئه‌مڕۆ سێشه‌ممه ڕاگه‌یاندنی حکومی ئێران له زاری سه‌رۆکی ئه‌نجومه‌نی باڵای ئاسایشی نیشـتیمانی ئێران سه‌عید جه‌لیلی ڕایگه‌یاند ئێران ژماره‌یه‌ک له دواترین پـێشـنیازی لایه. ناوبراو گوتیشی ئه‌و پـێشـنیازانه ده‌بن به بنه‌مایه‌ک بۆ وتووێژکردن له‌گه‌ڵ پـێـنج ئه‌ندامه هه‌میشـه‌یی‌یه‌که‌ی ئه‌نجومه‌نی ئاسایشی نه‌ته‌وه یه‌کگرتووه‌کان له‌گه‌ڵ ئه‌ڵمانیادا، ئه‌وانه‌ی به جۆرێـکی به‌رده‌وام کۆبوونه‌وه‌یان سـازداوه بۆ وتوێـژکردن له‌سه‌ر به‌رنامه‌ی ناوه‌کی ئێران.
کۆمه‌ڵی ناسـراو به P5+1 به ئه‌مه‌ریکا و ڕووسیا و چین فه‌ره‌نسـا و به‌ریتانیاوه به‌رنامه‌یه‌کی پاداشـتیان ئاڕاسـته‌ی ئێران کردبوو له‌پـێناو ڕاگرتنی به‌رنامه‌ی پـیتاندنی یۆرانیۆمی.
واشـنتن هه‌تا واده‌ی کردنه‌وه‌ی ئه‌نجومه‌نی گشـتی نه‌ته‌وه یه‌کگرتووه‌کان له کۆتایی ئه‌م مانگه‌دا داوه به ئێران بۆ په‌سه‌ندکردنی پـێشـنیازی وتووێژ له‌گه‌ڵ ئه‌و کۆمه‌ڵه وڵاته‌دا.
