Accessibility links

له‌ ئاکامی ته‌قینه‌وه‌ی ئۆتۆمبیلێـک له‌ که‌رکوک به‌ لایه‌نی که‌م 33 که‌س ده‌کوژرێن


له‌ ته‌قینه‌وه‌ی ئۆتۆمبیلێـکی مینڕێژکراو له‌ ناو بازاڕێـکی میللی له‌ گه‌ڕه‌کی شۆڕجه‌ی که‌رکوک به‌ لایه‌نی که‌م 33 کوژراو و زیاتر له‌ 90 برینداری لێـکه‌وته‌وه‌ که‌ سه‌رجه‌میان هاوڵاتی مه‌ده‌نین.

ئه‌م ته‌قینه‌وه‌یه‌ش له‌ کاتێـکدا ڕوویدا که‌ هێزه‌ ئه‌مریکیـیه‌کان پاشه‌کشێ له‌ ناو شـاره‌کانی عێراقدا ده‌که‌ن و مه‌له‌فی ئه‌منی شـاره‌کان ڕاده‌سـتی هێزه‌ عێراقیـیه‌کان ده‌که‌نه‌وه‌.

ئه‌مڕۆش له‌ که‌رکوکدا سه‌رجه‌م هێزه‌کانی پـۆلیس ئاهه‌نگیان به‌و بۆنه‌یه‌وه‌ گێڕاوه‌.

به‌پـێی لێدوانی عه‌قید یادگار شوکر به‌رپـرسی ژوری عه‌مه‌لیاتی پـۆلیسی که‌رکوک ئۆتۆمبیله‌که‌ دانراو بووه‌ و له‌ کاتێـکدا ته‌قیوه‌ته‌وه‌ که‌ بازاڕه‌که‌ ئاپـۆڕا بووه‌ له‌ هاوڵاتیـیان. بازاڕه‌که‌ش بازاڕی میوه‌ فرۆشتنه‌‌. به‌و پـێـیه‌ش ڕه‌نگه‌ ژماره‌ی کوژراو و برینداره‌کان به‌ره‌و زیاتر بچێت.

ده‌توانن گوێبیسـتی ده‌قی ڕاپـۆرته‌كه‌ بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی ده‌سته‌ چه‌پ.

بابه‌تی په‌یوه‌ندیدار

XS
SM
MD
LG