تورگیا ده‌ڵێت ژماره‌یه‌ک له‌ گومانبارانی ئه‌لقاعیده‌ی ده‌سـتگیرکردووه‌

هه‌واڵه‌کان له‌ تورکیاوه‌ وا ڕاده‌گه‌یه‌نن پـۆلیسی تورکی به‌ لای که‌م 34 که‌سی به‌ گومانی په‌یوه‌ندیـیان به‌ تۆڕی تێرۆریستی قاعیده‌ ده‌سـتگیرکردووه‌.

له‌و باره‌یه‌وه‌ ئاژانسی هه‌واڵه‌کانی ئه‌نه‌تۆلیا و هه‌روه‌ها ده‌زگاکانی ته‌له‌فیزیۆن له‌ تورکیا ئاماژه‌ به‌وه‌ ده‌که‌ن په‌لاماره‌که‌ی کرایه‌ سه‌ر خانووبه‌ره‌ی په‌ناگه‌ی گومانبارانی تۆڕی قاعیده‌ له‌ زوویه‌کی ئه‌مڕۆ سێشه‌ممه‌دا بوو له‌ پارێزگاکانی سانلورفه‌ و گازی ئه‌نتابی خۆرهه‌ڵاتی وڵات و هه‌روه‌ها له‌ پارێزگای کۆنیای ناوڕاستی تورکیا ئه‌نجام درا.