Accessibility links

له‌شـکری ئه‌مریکا ده‌ڵێت کۆریای باکور له‌ گه‌یاندنی سه‌ته‌لایته‌که‌ی بۆ واڵایی شـکستی هێناوه‌


له‌شـکری وڵاته‌ یه‌کگرتووه‌کانی ئه‌مریکا ڕاگه‌یاندنه‌کانی کۆریای باکور به‌ درۆ ده‌خاته‌وه‌ که‌ ده‌ڵێت سـه‌ته‌لایتێـکی په‌یوه‌ندیکردنی هه‌ڵـداوه‌ بۆ واڵایی.

له‌ ڕاگه‌یاندنێـکی سه‌رکردایه‌تی باکور له‌ له‌شـکری ئه‌مریکادا هاتووه‌ هیچ شـتێـک نه‌چۆته‌ واڵایی و له‌ خولگه‌دابێت و هیچ پارچه‌یه‌کیش نه‌که‌وتۆته‌ ژاپـۆنه‌وه‌.

میدیای کۆریای باکور ئه‌مڕۆ یه‌کشه‌ممه‌ وێناکردنێـکی جودای هه‌بووه‌ و ده‌ڵێت ئه‌و سه‌ته‌لایتی په‌یوه‌ندیـکردنه‌ له‌ خولگه‌یه‌کی واڵایی‌دایه‌. وڵاته‌ یه‌کگرتووه‌کانی ئه‌مریکا و کۆریای باشور و ژاپـۆن وا ده‌ڕوانه‌ ئه‌م موشه‌ک هه‌ڵـدانه‌ی کۆریای باکور که‌ کارێـکی وروژێنه‌ره‌ و به‌ مه‌به‌سـتی تاقیکردنه‌وه‌ی توانایی‌یه‌کانی موشـه‌کی بالسـتیکی کۆریای باکوره‌ و ده‌شـڵێن پـێـشـێـلکردنی بڕیارێـکی ئه‌نجومه‌نی ئاسایشی نه‌ته‌وه‌ یه‌کگرتووه‌کانه‌ که‌ تایبه‌ته‌ به‌ ڕێـگه‌گرتن له‌ پـیۆنگیانگ له‌وه‌ی موشـه‌کی بالیسـتیکی تاقی‌بکاته‌وه‌.

ژاپـۆن داوایکردووه‌ ئه‌نجومه‌نی ئاسایشی نه‌ته‌وه‌ یه‌کگرتووه‌کان دانیشـتنێـکی نا ئاسایی له‌سه‌ر ئه‌م مه‌سه‌له‌یه‌ بکه‌ن.

بابه‌تی په‌یوه‌ندیدار

XS
SM
MD
LG