سه‌رۆك ئۆباما ده‌ڵێت ئاگاداركراوه‌ته‌وه‌ له‌وه‌ی چۆن ئابووری وه‌ها به‌ خێرایی تێـكچووه‌

باراك ئۆباما سه‌رۆكی وڵاته‌ یه‌كگرتووه‌كانی ئه‌مریكا ده‌ڵێت ئاگاداركراوه‌ته‌وه‌ له‌وه‌ی چۆن ئابووری ئه‌مریكا به‌ره‌و خراپی ڕۆیشـتووه‌.

سه‌رۆك ئۆباما ڕۆژی سێشه‌ممه‌ ژماره‌یه‌ك دیمانه‌ی له‌گه‌ڵ كه‌ناڵه‌ ته‌له‌فیزیۆنیـیه‌كانی ئه‌مریكادا كردووه‌ و تیایاندا باسی له‌ گرنگی پـلانی بوژاندنه‌وه‌ ئابووریـیه‌كه‌ی خۆی كردووه‌، وه‌ گوتوویه‌تی هێشـتاش پـلانه‌كه‌ی به‌شی په‌ره‌پـێدانی پـێوه‌ ماوه‌ و به‌ یارمه‌تی هه‌ردوو لایه‌نی كۆماری و دیموكراته‌كان له‌ كۆنگرسـدا، وه‌ دشڵێت یارمه‌تیده‌ر ده‌بێت به‌ دابینكردنی بیمه‌ی ته‌ندروسـتی بۆ بێـكاران.

به‌ڵام ڕۆژی سێشه‌ممه‌ هه‌واڵی زیاتری گرفتی ئابووری ئه‌مریكا به‌رده‌وام‌بوو ، هه‌رچه‌نده‌ بواری بازرگانی خانووبه‌ره‌ و موڵـك هه‌ندێـك ئاماژه‌ی كه‌می پـۆزێتڤی به‌خۆوه‌ بینی.