سه‌رۆك بوش ده‌ڵێت دانبه‌خۆداگرتنی ئه‌مریكا له به‌رده‌وامی شه‌ڕ له عێراق سـنووری خۆی هه‌یه، به‌ڵام ده‌شـڵێت واشـنتۆن فشـاری زۆر ناخاته سه‌ر ڕێبه‌ره عێراقیـیه‌كان تا
وڵاته‌كه سه‌قامگیر بكه‌ن.
ڕۆژی چوارشه‌ممه له كۆنفرانسـێـكی ڕۆژنامه‌وانی له كۆشـكی سـپی، سه‌رۆك بوش به‌ڵـێـنی دا به‌وه‌ی هێزه‌كانی ئه‌مریكا له عێراق ده‌مێـننه‌وه، به‌ڵام له هه‌مان كاتدا به‌رده‌وام ده‌بن له گۆڕینی تاكتیـكه‌كانیان تا ڕووبه‌ڕووی دوژمنان بـبنه‌وه.
هه‌روه‌ها سه‌رۆك بوش باسی له كه‌م بوونه‌وه‌ی پـشـتیوانیكردنی ئه‌مریكیـیه‌كان بۆ شه‌ڕی عێراق كرد، وه سـووربوو له‌سه‌ر ئه‌وه‌ی وڵاته یه‌كگرتووه‌كانی ئه‌مریكا پـلانی بۆ سه‌ركه‌وتن هه‌یه له عێراق. گوتیشی سه‌قامگیركردنی ئه‌و وڵاته زۆر گرنگه بۆ ئاسایشی ئه‌مریكیـیه‌كان.
سه‌رۆك بوش گوتی ئه‌ویش وه‌ك زۆر له ئه‌مریكیـیه‌كان له ڕه‌وشی عێراق ڕازی نیـیه.
شـایانی باسه ئه‌م كۆنگره ڕۆژنامه‌وانیـیه پـێش دوو هه‌فته له هه‌ڵبـژاردنه‌كانی ئه‌مریكا دێت كه تیایدا شه‌ڕی عێراق بووه‌ته مه‌سه‌له‌ی سه‌ره‌كی.
سه‌باره‌ت به‌و كۆنگره ڕۆژنامه‌وانیـیه‌ی سه‌رۆك بوش هاوكارمان بێریڤان یوسفی وتووێژێـكی له‌گه‌ڵ سه‌رۆكی به‌شی كوردی ڕادیۆی ده‌نگی ئه‌مریكا هومه‌ر شێخموس سازكردووه.
ده‌توانن گوێبیستی ده‌قی وتووێـژه‌كه بن له ڕێـگه‌ی كلیـكـكردنی ئه‌و فایله ده‌نـگیـیه‌ی سه‌ره‌وه، ماوه‌كه‌ی 8 خوله‌كه.