Accessibility links

فڕۆکه‌خانه‌ی ئه‌تاتورکی نێونه‌ته‌وه‌یی له ئه‌سته‌نبول گڕی تێبه‌رده‌بێت


ئاگرێکی گه‌وره‌ له به‌شی بارهه‌ڵگری فڕۆکه‌خانه‌ی ئه‌تاتورکی نێونه‌ته‌وه‌ی له ئه‌سته‌نبول که‌وتۆته‌وه‌.

وێنه‌کانی ته‌له‌فزیۆن نیشانیانداوه‌ که‌وا کارمه‌ندانی ده‌زگاکانی ئاگر کوژێنه‌وه‌ هه‌وڵێکی زۆر ده‌ده‌ن بۆ کوژانه‌وه‌ی ئاگره‌که‌ و هاوکات به‌رزبونه‌وه‌ی دوکه‌ڵێکی زۆر به‌ ئاسماندا کێشه‌ی خستۆ‌ته‌‌ به‌رده‌‌م هاتوچۆی فڕۆکه‌کان له ئاسماندا و گه‌شته ئاسمانیه‌کان دواکه‌وتوون.

ڕاپۆرتی جودا جودا له‌سه‌ر چۆنێتی ده‌ستپێکردنی ئه‌و ئاگرکه‌وتنه‌وه‌‌یه‌ دراوه‌ و کاربه‌ده‌ستان ده‌ڵێن گومانیان هه‌یه‌ له‌وه‌ی که‌ تێکچوونی ته‌زووی کاره‌با هۆکاری ئه‌و ئاگرکه‌وتنه‌وه‌یه‌ بووبێت و کرداری تیرۆریزمی به‌ دوور ده‌زانن. به‌ڵام ئاماده‌بوانی شوێنی ڕووداوه‌که‌ ده‌ڵێن له کاتی که‌‌وتنه‌وه‌ی ئاگره‌‌که‌ و سوتانی که‌لوپه‌له‌کانی شوێنی بارهه‌ڵگرتن، گوێیان له ژماره‌یه‌ک ته‌قینه‌وه‌ بووه‌.

کاربه‌ده‌ستان ذه‌شڵێن سێ که‌س بریندار بوون و تاوه‌کو ئێستا دڵنیا نین له ژماره‌ی ئه‌و که‌سانه‌ی له‌ شوێنی ئاگرکه‌وتنه‌وه‌که‌دا، گیرییان خواردووه‌.

لێپرسراوان له کاتی ده‌ستپێکردن و بڵاوبونه‌وه‌ی ئاگره‌که‌دا، هه‌وڵی چۆڵکردنی هه‌زاره‌ها که‌سیانداوه‌ که له‌ شوێنی ئاگره‌که‌وه‌ نزیک بوون و چاوه‌ڕێی گه‌شته‌کانیان کردووه‌.

XS
SM
MD
LG