Accessibility links

یەکێتی ئەوروپا هۆشداری دەداتە ڕوسیا


سەرۆکی کۆمسیۆنی ئەوروپا ئۆرسولا ڤۆن دێر لین هۆشداریدایە ڕوسیا و وتی ئەگەر هاتوو ئەرکە دوژمنکارییەکانی دژی ئۆکرانیا زیاد بکات ئەوا " ڕووبەڕووی ڕێوشوێنی بێپێشینە " دەبێتەوە.

ڤۆن دێر لین لەمیانەی وتارەکەیدا لەبەردەم پەرلەمانی یەکێتی ئەوروپا لە ستراسبۆرگی فەڕەنسا باسی لە زیادبوونی هێزەکانی ڕوسیا کرد لەنزیک سنووری ئۆکرانیا. جەختی لە " پشتیوانیی جێگیری یەکێتی ئەوروپا کردەوە بۆ سەروەری خاکی ئۆکرانیا ".

سەرەڕای ئەوەی یەکێتیەکە پێشتر کۆمەڵێک سزای بەسەر ڕوسیادا سەپاندووە، ڤۆن دێر لین وتی کردەوەی دوژمنکاری زیاتر لەلایەن ڕوسیاوە " باجێکی گەورەی " دەبێت لەسەر ڕوسیا. وتیشی لەوانەیە وەڵامدانەوەی ئێمە " زیادکردنی ئەو سزایانە بێت کە پێشتر سەپێندراون بەسەر ڕوسیادا."

ئاماژەشی بەوەدا یەکێتی ئەوروپا ئامادەیە " ڕێوشوێنی دیکەی بێپێشینە بگرێتەبەر کە دەرەنجامێکی گەورەی لەسەر ڕوسیا دەبێت."

ڤۆن دێر لین داواشی لە ڕوسیا کرد " گرژییەکان کەم بکاتەوە و پەنا بباتە بەر کەناڵە دیبلۆماتیەکان و پابەندی بەرپرسیارێتیە نێودەوڵەتیەکانی بێت."

سەرچاوە/ دەنگی ئەمەریکا

XS
SM
MD
LG