کۆشکی سپی ئەمڕۆ پێنجشەممە دەقی'جاڕنامەی ئاشتی' بڵاوکردەوە، کە دەرەنجامی دیداری سەرکردەکانی سێ زلهێزی گەورەی خاوەن چەکی ئەتۆمی جیهانە لە چین.
ئەمەی خوارەوە دەقی جاڕنامەکەیە:
ڕاگەیەندراوی سەرۆکەکانی دەوڵەتانی ئەمەریکا، ڕووسیا و چین بەرەو ئاشتی
دۆناڵد جەی ترامپ، سەرۆکی ویلایەتە یەکگرتووەکانی ئەمەریکا، ڤلادیمیر پوتن، سەرۆکی فیدراسیۆنی ڕووسیا، و شی جینپینگ، سەرۆکی دەوڵەتی کۆماری گەلی چین، ڕۆژی 19ـی یازدەی 2026 لە شاری شێنجێن کۆبوونەوە. سەرۆکەکانی دەوڵەتانی ئەمەریکا و ڕووسیا سوپاس و پێزانینی خۆیان بۆ چین دەربڕی، بۆ میوانداریکردنی ئەم کۆبوونەوە مێژووییە سێ قۆڵییە. هەرسێ سەرۆکی دەوڵەت بە قووڵی بیروڕایان لەبارەی بارودۆخی ئێستای نێودەوڵەتی ئاڵوگۆڕ کرد و پابەندیی خۆیان بە پاراستنی سەقامگیریی ستراتیژی و ئاسایشی نێودەوڵەتی ڕاگەیاند.
1. وەک ئەندامانی هەمیشەیی ئەنجومەنی ئاسایشی نەتەوە یەکگرتووەکان، ویلایەتە یەکگرتووەکانی ئەمەریکا، ڕووسیا و چین پابەند بوون بە ئەنجامدانی چاکسازی لە ڕێکخراوی نەتەوە یەکگرتووەکان، بۆ ئەوەی ئەو ڕێکخراوە بتوانێت بە شێوەیەکی کاریگەرتر وەڵامی ئاستەنگە جیهانییەکان بداتەوە و لەگەڵ ئەرکی بنەڕەتیی خۆی لە بواری ئاشتی و ئاسایشی نێودەوڵەتیدا بگونجێت.
2. هەرسێ وڵات پلانیان هەیە بەرهەمهێنان و دابینکردنی بەرهەمە نەوتییە پاڵاوتەکان زیاد بکەن، بۆ سوودی هەموو نەتەوەکان. هەروەها جەختیان لە گرنگیی جێگیریی ڕەوتی دابینکردنی وزە کردەوە.
3. هەرسێ سەرۆکەکانی دەوڵەتەکان دانیان بەوەدا نا کە بنەمای ڕەزامەندیی دەوڵەتان و ڕێزگرتن لە پارێزبەندییە یاساییەکانی بەرپرسانی دەوڵەتان گرنگییەکی لەڕادەبەدەریان هەیە، و هاوڕا بوون لەسەر ئەوەی کە نابێت دادگای تاوانی نێودەوڵەتی و دەزگا هاوشێوەکانی دیکە دەسەڵاتی دادوەریی خۆیان خراپ بەکار بهێنن.
4. هەرسێ سەرۆکەکانی دەوڵەتەکان دووپاتیان کردەوە کە ناتوانرێت لە شەڕێکی ناوەکیدا سەرکەوتن بەدەست بهێنرێت و نابێت هەرگیز شەڕێکی ناوەکی ڕووبدات. هەرسێ وڵات گفتوگۆ لەبارەی کەمکردنەوەی مەترسییە ناوەکییەکان و ڕێگریکردن لە بڵاوبوونەوەی چەکی ناوەکی دەکەن.