ئیدارەی سەرۆک دۆناڵد ترەمپ بڕیاری دا بە هەڵگرتنی قەدەغە لەسەر کڕین و ناردنی چەکی ئەمەریکا بۆ سوریا.
وەزارەتی دەرەوەی ئەمریکا ڕۆژی چوارشەممە هەموارکردنەوەی 'پەیڕەوی نێودەوڵەتیی بازرگانی چەک'ـی ڕاگەیاند، بە مەبەستی لابردنی سوریا لە لیستی ئەو وڵاتانەی کە شایستە نین چەک و تەقەمەنی ئەمەریکایان بۆ هەناردە بکرێت.
ئەم بڕیارە ئەمڕۆ پێنجشەممە دەچێتە بواری جێبەجێکردنەوە. لەمڕۆوە داواکارییەکانی سوریا بۆ کڕینی چەک لەسەر بنەمای کەیس هەڵدەسەنگێندرێت.
ئیدارەی سەرۆک ترامپ لە ساڵی ڕابردووەوە پرۆسەیەکی بۆ سووککردنی سزاکانی سەر سوریا دەستپێکردووە.
وەزارەتی دەرەوەی ئەمەریکا مانگی هەشتی ئەمساڵ سوریای لە لیستی "دەوڵەتی سپۆنسەری تیرۆر" دەرهێنا. هەروەها وەزارەتەکە هەنگاو دەنێت بۆ کردنەوەی باڵیۆزخانەی ئەمەریکا لە دیمەشق، ئەمەش 14 ساڵ دوای داخستنی.
لەدوای لابردنی سوریا، ئێستا تەنها حەوت وڵات قەدەغەی هەناردەکردنی چەکی ئەمەریکایان لەسەرە کە بریتین لە بیلاڕووس، چین، کوبا، ئێران، میانمار، کۆریای باکوور و ڤەنزوێلا.