میلانیا ترامپ خانمی یەکەمی ئەمەریکا ڕۆژی دووشەممە کارئاسانی بۆ شادکردنەوەی منداڵێکی دیکە کرد بە خانەوادەکەی، دوای ئەوەی لە کاتی شەڕی نێوان ئۆکرانیا و ڕووسیا لە خێزانەکەی دابڕا بوو.
مێلانیا ترامپ، دەڵێت: "هیچ شتێک لەوە کاریگەر تر نییە کە دایکێک دوای ماوەیەکی زۆر لە جیابوونەوە لەگەڵ منداڵەکەیدا بەیەکتر شاد دەبنەوە".
خانمی یەکەم ئاماژەی بەوەشکرد، "من و نوێنەرەکەم سەرنجمان لەسەر یارمەتیدان و ئاسانکارییە بۆ یەکگرتنەوەی ئەو کەسانەی کە بەهۆی شەڕی ئۆکرانیا و ڕووسیا لە ئازیزانیان دابڕاون."
هەتا ئێستا هەوڵەکانی خانمی یەکەم میلانیا ترامپ ئاسانکاری بۆ شادبوونەوەی 34 منداڵ و خێزان کردووە لەوکاتەی "پەیامی ئاشتی" بۆ ڤلادیمێر پوتن سەرۆکی ڕووسیا ناردووە.