دۆناڵد ترامپ سەرۆکی ئەمەریکا لە پۆستێکیدا لە تۆڕی کۆمەڵایەتیی تروث ڕۆژی چوارشەممە نووسیویەتی ''بارودۆخی ئێران خراپتریش دەبێت.''
دۆناڵد ترامپ لە پۆستەکەیدا، شیکردنەوەی بۆ بارودۆخی کۆماری ئیسلامیی ئێران کردوو. و دەڵێت ''ئەمەریکا کۆنتڕۆڵی تەواوەتی بەسەر گەرووی هورمزدا هەیە و پێم وایە بەردەوامیش دەبین.''
هەروەها ستاییشی گەمارۆی سەر ئێرانی کردووە و دەڵێت دیوارێکی پۆڵایینە و هیچ شتێک دەربازی نابێت.
سەرۆک ترامپ باسی کێشە ئابوورییەکانی ئێرانیشی کردووە و دەڵێت هیچیان بۆ نەماوەتەوە جگە لە قسەی بێ بنەما چونکە ''هەڵاوسانی ئابووری ئێران گەییشتۆتە %300 و ناتوانن موچەی سەربازەکانیان بدەن.''
شایەنی باسە ئێوارەی ڕابردووش دۆناڵد ترامپ لەسەر ئێران قسە کرد و گوتی ''پەنجا و یەک ساڵە ئەو دەوڵەتە ڕۆژهەڵاتی ناوەڕاستی هەراسان کردووە بەڵام ئیتر ئەو سەردەمە کۆتایی هات.''
لە کۆتایی پۆستەکەیدا دۆناڵد ترامپ نووسیویەتی ''سوپاس بۆ اللە.''