جێگری سەرۆکی ئەمەریکا جەی دی ڤانس ڕۆژی یەکشەممە گەیشتە سویسرا بەمەبەستی دانوستانەکانی ئاشتی لەگەڵ ئێران، هەروەک لە ڕێککەوتنێکی ئەگەریی ئاشتیدا پلانی بۆ دانرابوو.
ڤانس لەگەڵ بەرپرسانی پاکستانی کۆبووەوە کە ناوبژیوانی ئەم ڕێککەوتنە دەکەن و سوپاسی کردن بۆ ئامادەبوونیان لەو کۆبوونەوانە.
کەشی وتووێژەکان هەتا ئێستا ناڕوونییەکی زۆری پێوە دیارە بەهۆی ئەوەی ئێران ڕایگەیاندووە گەمارۆی تەنگەی هورمز دەستپێکردووەتەوە.
یاداشتێکی لێکتێگەیشتنی نێوان ئەمەریکا و ئێران بە ئامانجی کۆتاییهێنان بە جەنگ، کە هەفتەیەک لەمەوبەر واژۆی لەسەر کرا، داوا دەکات تەنگەی هورمز بە زووترین کات بکرێتەوە و هەموو شەڕ و پێکدادانەکان ڕابگیرێت، لەنێویاندا لە لوبنانیش.
ئێران ڕۆژی شەممە ڕایگەیاند کە جارێکی دیکە تەنگەکەی داخستووەتەوە بەهۆی ئەوەی شەڕ لە لوبنان کۆتایی پێنەهاتووە.
بەرپرسانی ئەمەریکاش داخستنی تەنگەکەیان ڕەتکردووەتەوە و ڕایانگەیاندووە، ڕۆژی شەممە 55 کەشتی بازرگانی ئەو تەنگەیەیان تێپەڕاندووە.