فەرماندەی ناوەندی ئەمەریکا ڕایگەیاند هێزەکانی هێرشێکی بالیستی ئێرانیان لە کوەیت تێکشکاندووە کە سوپای ئەمەریکای لەو وڵاتە کردووەتە ئامانج.
فەرماندەی ناوەندی ئەمەریکا ڕۆژی دووشەممە لە ڕاگەیێندراوێکدا ئاماژەی دا، "شەوی ڕابردوو کاتژمێر 11 بە کاتی واشنتن، هێزەکانی ئەمەریکا بە سەرکەوتوویی دوو مووشەکی بالیستی ئێرانیان تێکشکاند کە هێزەکانی ئەمەریکایان لە کوێت دەکردە ئامانج."
فەرماندەکە ڕایگەیاند، "ئەم مووشەکانە دەستبەجێ شکستیان هێنا و هیچ کارمەندێکی ئەمەریکایی زیانی پێ نەگەیشت."
فەرماندەی ناوەندی ئەمریکا گوتیشی "بە وریاییەوە" بەردەوام دەبێت لە پاراستنی هێزەکانی ئەمەریکا لە دەستدرێژی ئێران، "لە کاتێکدا پشتگیری لە ئاگربەستی بەردەوام دەکات."