ماڵپەڕی هەواڵی ئەکسیۆس ڕۆژی یەکشەممە لە زاری "بەرپرسێکی باڵای ئەمەریکا"وە ڕایگەیاند کۆشکی سپی پێشبینی ناکات ڕۆژی یەکشەممە ڕێککەوتنەکە لەگەڵ کۆماری ئیسلامی کۆتاییپێبێت و پێدەچێت گەیشتن بە قۆناغی کۆتایی چەند ڕۆژێکی دیکە بخایەنێت.
بە وتەی ئەو سەرچاوەیە، هۆکاری دواکەوتنی پڕۆسەی یەکلاییکردنەوەی ڕێککەوتنەکە، پێویستی پەسەندکردنی لەلایەن موجتەبا خامنەییەوەیە هەیە کە ئامادە نییە، و ڕەنگە پێویستی بە کاتێکی زیاتر هەبێت.
موجتەبا خامنەیی کە دوای کوژرانی باوکی لە هێرشە ئاسمانییەکانی ئەمەریکا و ئیسرائیل وەک سێهەمین ڕێبەری باڵای کۆماری ئیسلامی ناسێندرا، تا ئێستا نەبینراوە. تا ئێستا هیچ وێنە و تۆمارێکی دەنگی بڵاونەکراوەتەوە و تەنها ئەو پەیامە نووسراوانەی کە لەلایەن میدیاکانی دەوڵەتەوە بڵاو کراونەتەوە.
دەستەیەک لە چاودێران دەڵێن کوڕەکەی عەلی خامنەیی یان کوژراوە یان ئەوەندە بریندار و بێتوانایە کە ناتوانێت پەیامی دەنگی یان ڤیدیۆیی بنێرێت و سوپای پاسداران و سەرکردەکانی ماونەتەوە لە کۆماری ئیسلامی تەنیا ناوی ئەو بۆ پێشخستنی ئامانجەکانیان بەکاردەهێنن.
دۆناڵد ترامپ ڕۆژی یەکشەممە لە هەژماری تایبەتی خۆی لە تۆڕی کۆمەڵایەتی تویتەر ڕایگەیاند ئێمە بە شێوەیەکی ڕێکوپێک و بەرهەمدار لەگەڵ دانوستانەکان بەرەو پێش دەچین، "نوێنەرەکانم ئاگادار کردووەتەوە کە پەلە نەکەن لە واژۆکردنی گرێبەستەکە، کات لە لای ئێمەیە."