فەرماندەیی ناوەندیی ئەمەریکا لە هەژماری تایبەتی ئێکسیدا وێنەی دەریاوانێکی ئەمەریکایی بڵاوکردووەتەوە کە چاودێری زانیارییەکانی شەڕ دەکات لە ناو کەشتی جەنگی ئەمەریکادا.
سێنتکۆم ڕۆژی دووشەممە لەگەڵ بڵاوکردنەوەی وێنەکەدا نوسیویەتی " دەریاوانەکانی ئەمەریکا لە نێوەندی زانیارییەکانی شەڕ لەناو کەشتی USS Delbert D. Black ( DDG 119) چاودێری دەکەن، لە کاتێکدا کەشتییەکە بە دەریای عەرەبیدا تێدەپەڕێت و پشتگیری لە گەمارۆی دەریایی ئەمەریکا دژی ئێران دەکات."
سێنتکۆم دەشڵێت تا ئەمڕۆ هەژدەی مانگی پێنج، هێزەکانی ئەمەریکا توانیویانە ڕێگە بە 84 کەشتی بازرگانی بگۆڕن و 4 کەشتیش لەکاربخەن.
چوار هەفتە لەمەوبەر سێنتکۆم دەستیکرد بە سەپاندنی گەمارۆکان کرد دژ بەو کەشتیانەی کە لە بەندەرەکانی ئێرانەوە هاتوچۆ دەکەن.
سەرەڕای ئاگربەست لە نێوان ئەمەریکا و ئێران، دۆناڵد ترامپ، سەرۆکی ویلایەتە یەکگرتووەکانی ئەمەریکا ڕایگەیاند، تا ئەو کاتەی ئێران مەرجەکانی ڕێککەوتنی ئاشتی قبوڵ دەکات، گەمارۆی دەریایی بەردەوام دەبێت.