وەزیری جەنگی ئەمەریکا لە کۆنگرەیەکی ڕۆژنامەوانییدا ڕایگەیاند هێزی ئەمەریکا لە ئۆپەراسیۆنی دژ بە ڕژێمی ئێران لە زیادبووندایە و گوتی ڕۆژانی داهاتوو "یەکلاکەرەوە" دەبن.
پیت هێگسێت، وەزیری جەنگ، ئەمڕۆ سێشەممە ڕایگەیاند، "ڕۆژانی داهاتوو یەکلاکەرەوە دەبن...ئێران ئەمە دەزانێت و لە ڕووی سەربازییەوە ناتوانن هیچ شتێک لەو بارەوە بکەن."
وەزیری جەنگ جارێکی تر هانی ئێرانی دا بە ڕێککەوتن و بەکارهێنانی ئەو هەلەی کە سەرۆکی ئەمەریکا خستویەتییە بەردەستیان.
گوتی، "ئەگەر ئێران ژیر بێت، ڕێککەوتنێک دەکات. ئەگەر نا، ئەمەریکا زۆر بە چڕتر بەدەوام دەبێت لە ئۆپەراسیۆنەکانی."