کاری لەیک، ڕاوێژکاری باڵای ئاژانسی میدیای جیهانی ئەمەریکا( USAGM) لە تۆڕی کۆمەڵایەتی ئێکس لە دوو نووسیندا ڕایگەیاندووە "پێویستە هەموو میدیاکان ڕووماڵی ئەو ڕۆحە ئازایانە بکەن کە لە ئێراندان و خەبات بۆ ئازادی خۆیان دەکەن.
خاتوون لەیک لە درێژەی قسەکانیدا دەڵێت نابێت هیچ دەزگایەکی ڕاگەیاندن هەوڵی هەڵبژاردن و سەپاندنی ڕێبەری داهاتووی ئێران بدات و ئەمە تەنیا پەیوەستە بە خەڵکی ئێرانەوە کە دەبێت بڕیاری لەسەر بدات، ئەمەش دوای ئەوەی ئازادی خۆیان بەدەست هێنا.
سەرۆکی ئاژانسی میدیای جیهانی ئەمەریکا لە درێژەی نووسینەکەیدا دەڵێت خەڵکی ئازا و بوێری ئێران دەبێت خۆیان بتوانن سەرکردەی داهاتوویان هەڵبژێرن. پرسەکە لە ئێستادا ئەو شەڕیە کە لەوێ ڕوودەدات، نەک ئەوەی کە میدیا سەرەکییەکان بیانەوێت سەرکردەی داهاتووی ئێران دیاری بکەن.