سەرۆکی ئەمەریکا داوای لە خۆپیشاندەرانی ئێران کرد بەردەوام بن لە ناڕەزایەتییەکانیان و دەستبگرن بەسەر دامودەزگاکانی وڵاتەکەیان و ڕایگەیاند هاوکارییەکان بۆ خەڵکی ئێران بەڕێوەن.
دۆناڵد ترامپ ڕۆژی سێشەممە، 13ی مانگی یەک لەسەر پێگەکەی لە تروث سۆشیال نووسیویەتی،" ئێرانییە نیشتمانپەروەرەکان، بەردەوامبن لە ناڕەزایەتییەکانتان - دەستبگرن بەسەر دامودەزگاکان!!! ناوی بکوژ و دەستدرێژیکاران هەڵبگرن. باجێکی گەورە دەدەن. هەموو کۆبوونەوەکانم لەگەڵ کاربەدەستانی ئێران هەڵوەشاندەوە هەتا ئەو کوشتنکارییە دڕندانەیە لە دژی خۆپیشاندەران ڕادەگیرێت. یارمەتییەکان بەڕێوەن! ئێران مەزنبکەنەوە!!!"