میدیای فەرمی عێراق ڕایگەیاند، عێراق ڕێگە بە هێڵی ئاسمانی نیشتمانی دەدات گەشتەکانی بۆ لوبنان دەستپێبکاتەوە، دوای ئەوەی لە سەرەتای ئەم مانگە گەشتەکانی ڕاگرت.
هێڵی ئاسمانی عێراقی لە 8 ی مانگی دوازدە گەشتەکانی بۆ لوبنان ڕاگرت، بەهۆی نیگەرانییە ئاسایشییەکان سەبارەت بە بارودۆخی سوریای دراوسێ.
سەرهەڵداوانی سوریا لە 8 ی مانگی دوازە دەستیان بەسەر دیمەشقدا گرت و کۆتاییان بە دەسەڵاتی دەیان ساڵەی بەشار ئەسەد هێنا و دوای زیاتر لە 13 ساڵ شەڕی ناوخۆ بەرەو ڕووسیا هەڵات.
سەرچاوە: ڕۆیتەرز