بەگوێرەی ڕاپۆرتی تیمەکانی فریاگوزاری و ئاگرکوژینەوە لە ئیسپانیا، دوای ئاگرکەوتنەوە لە چێشتخانەیەک لە مەدریدی پایتەختی ئیسپانیا دوو پیاو گیانیان لەدەست دا و 10 کەسی دیکەش بریندار بوون.
ئاگرەکە درەنگانی شەوی هەینی لە ڕێستورانتی بۆرۆ کاناگلیا بار ئەند ڕێستۆ دەستیپێکردووە، کە چێشتخانەیەکی ئیتاڵییە لە ناوەندی گەڕەکی سالامانکا.
شایەتحاڵێک بە ڕۆژنامەی ئێل پایس-ی ڕاگەیاندووە، ئاگرەکە دوای ئەوە دەستیپێکردووە کە گارسۆنێک قاپێکی خواردنی بە گڕ سوتاند و بڵێسەکەی ئاگری لە سەقف و دیوارەکانی بەردا.
خزمەتگوزارییە فریاگوزاریەکان دەڵێن، خواردنخوازان کێشەیان هەبووە بۆ هەڵاتن، چونکە ئاگرەکە لە نزیک دەرچەی سەرەکی دەستیپێکردووە.
پۆلیسی ئیسپانیا لێکۆڵینەوە لە هۆکاری ئاگرکەوتنەوەکە دەکات.
سەرچاوە/ ڕۆیتەرز