تەلەفزیۆنی فەرمی ئێران ڕۆژی هەینی ڕایگەیاند: ئەگەری زۆرە ئێران مووشەکی سەرزەوی بۆ ئاسمانی بە سوریا بفرۆشێت، بۆ یارمەتیدانی بەهێزکردنی بەرگری ئاسمانی هاوپەیمانی نزیکی تاران لە بەرامبەر هێرشە ئاسمانییە بەردەوامەکانی ئیسرائیل.
وتیشی "سوریا پێویستی بە دووبارە بنیاتنانەوەی تۆڕی بەرگری ئاسمانی هەیە و پێویستی بە بۆمبی ورد هەیە بۆ فڕۆکە جەنگییەکانی".
تەلەفزیۆنەکە دەڵێت: ئەگەری زۆرە ئێمە شاهیدی دابینکردنی ڕادار و مووشەکی بەرگری، وەک سیستەمی 15 خورداد، بۆ بەهێزکردنی بەرگرییە ئاسمانییەکانی سوریا لەلایەن ئێرانەوە ببین، و ئاماژەی بەوەشکرد، تەنها بەشێک لە ڕێککەوتنی بەرگریی ئەم دواییە لەگەڵ سوریا بڵاوکراوەتەوە.
بەرپرسان بە دەگمەن دان بە بەرپرسیارێتی ئۆپەراسیۆنە تایبەتەکاندا دەنێن، ئیسرائیل نزیکەی دە ساڵە هێرشی ئاسمانی لە دژی گومانی گواستنەوەی چەک و جێگیرکردنی کارمەندان لە سوریا بە سپۆنسەری ئێران ئەنجام دەدات.
هەروەها ئیسرائیل لە چەند مانگی ڕابردوودا هێرشەکانی بۆ سەر فڕۆکەخانە و بنکە ئاسمانییەکانی سوریا چڕتر کردووەتەوە بۆ پەکخستنی زیادبوونی بەکارهێنانی هێڵەکانی دابینکردنی ئاسمانی لەلایەن ئێرانەوە بۆ گەیاندنی چەک بە هاوپەیمانان لە سوریا و لوبنان، لەنێویاندا حزبوڵای لوبنان.
سەرچاوە/ ڕۆیتەرز