Accessibility links

ڕووداوێکی تۆڕی کارەبا کاری کردە سەر ژیانی ملیۆنان کەس لە سێ وڵاتی ئاسیای ناوەڕاستدا


ڕووداوێکی تۆڕی کارەبا لە سێ وڵاتی ئاسیای ناوەڕاستدا بوو بەهۆی ئەوەی ملیۆنان کەس ڕۆژی سێشەممە بەبێ کارەبابن و بووە هۆی پەکخستنی هێڵی شەمەندەفەر فڕۆکەخانەکان و گیرخواردنی خەڵکی لە نێو ئەسانسۆرەکاندا.

ئەلماتی نێوەندی بازرگانی کازاخستان و پایتەختەکانی قرغیزستان و ئۆزبەکستان لە نزیکەی نیوەڕۆدا کارەبایان بڕا، دەزگاکانی ڕاگەیاندن و کاربەدەستانیش دەڵێن ئەو کارەبا بڕینە لەو پارێزگایانەی ئەو سێ وڵاتەدا درێژەی کێشا.

وەزیری وزەی ئۆزبەکستان لە بەیاننامەیەکدا ڕایگەیاند بڕینی کارەباکە بەهۆی " ڕووداوێکی گەورەوە" لە تۆڕی کارەبای کازاخستان ڕوویداوە.

لە فڕۆکەخانەی سەرەکی تاشکەند کە شارێکی زیاتر لە دوو ملیۆن کەسە، گەشتە ئاسمانییەکان بۆ ماوەیەکی کاتی ڕاگیران و کارەباکەش پاش نیوەڕۆ هاتەوە.

وەزارەتی وزەی ئۆزبەکستان پێشنیازی کرد ئامێرە گاز و ئەلیکترۆنییەکان بۆ ماوەیەکی کاتیی بکوژێنرێنەوە " لە پێناو ڕێگەگرتن لە هەر ڕووداوێکی نەخوازراو" لە کاتێکدا کارەباکە چاکدەکرێتەوە. بەڵام هێڵی شەمەندەفەری ناوچەکە بە تەواوەتی ڕاگیرا و پەیامنێرێکی ئاژانسی دەنگوباسی فرانس پرێسیش دەڵێت ئاویش زۆر بە زەحمەت لە بەلوعەکانەوە دەهات.

ترافیک لایتەکان لە ئەلماتی هەمووی کوژابوونەوەو قەرەباڵغی و سەرلێشێوانێکی زۆری دروست کردبوو بەڵام لە پاش نیوەڕۆوە چاککرانەوە.


XS
SM
MD
LG