دەستەی کاروباری کەناڵی ئاوی سوێسی میسری کە رێڕەوێکی سەرەکی ئاوییە ڕایگەیاند، کەناڵی سوێس ساڵی رابردوو داهاتێکی زۆری بەدەستهێناوە، ئەوەش وەک ئەوان ئاماژەیان پێکرد وێڕای پەتای ڤایرۆسی کۆرۆنا و داخستنی ڕێڕەوە ئاوییەکە بۆ ماوەیەکی کاتی بەهۆی چەقینی کەشتی گەورەی بارهەڵگری ئێڤەر گریڤنەوە.
بەهۆی ئەوەی کەناڵی سوێس دەریای سوور بە دەریای سپی ناوەڕاستەوە دەبەستێتەوە، ئەو کەناڵە نزیکەی لە سەدا 10 ی بازرگانی جیهانی دەریایی پێیدا تێپەڕ دەبێت.
کەناڵەکە سەرچاوەیەکی سەرەکی بەدەستهێنانی دراوی بیانیە بۆ وڵاتی میسر کە تا ئەوپەڕی پێویستی بەو دراوە بیانیانە هەیە.
جێی ئاماژەیە ژمارەی ئەو کەشتیانەی کەناڵی سوێس بۆ مەبەستی بازرگانی بەکاردێنن لە ساڵی 2020 لە 18 هەزار و 830 کەشتیەوە بۆ 20 هەزار و 694 کەشتی لە ساڵی 2021 دازیادیکردوە، واتا رۆژانە پتر لە 56 کەشتی بە کەناڵی سوێسدا تیپەڕ بوون.
سەرچاوە: دەنگی ئەمەریکا